नेपालगन्जमा १ लाख ६६ हजारलाई हात्तीपाइले विरुद्धको औषधि खुवाइँदै

स्वास्थ्य

गृहपृष्ठ
स्वास्थ्य
नेपालगन्जमा १ लाख ६६ हजारलाई हात्तीपाइले विरुद्धको औषधि खुवाइँदै

नेपालगन्जमा १ लाख ६६ हजारलाई हात्तीपाइले विरुद्धको औषधि खुवाइँदै

शनिबार, चैत १४, २०७७ बागेश्वरी पोस्ट

नेपालगन्ज । नेपालगन्ज उपमहानगरपालिकामा १ लाख ६६ हजारलाई हात्तीपाइले रोग विरुद्धको औषधि खुवाइँदैछ ।

हात्तीपाइले रोग निवारणका लागि राष्ट्रिय आम औषधि सेवन कार्यक्रम चैत २० गतेदेखि सुरु भई चैत मसान्तसम्म संचालन हुने उपमहानगरपालिकाले जनाएको छ। कम औषधि सेवन भएका स्थानहरुमा जनप्रतिनिधि, धर्मगुरु, स्वास्थ्यकर्मी लगायतको सहभागितामा अभियान नै चलाइने बताइएको छ । नेपालगन्जमा हात्तीपाइले रोग विरुद्धको औषधि सेवन दर निकै कम छ ।

स्वास्थ्य शाखाका हात्तीपाइले रोग निवारण कार्यक्रमका फोकल पर्सन विनोद कुमार विकले उपमहानगरपालिकामा १ लाख ७७ हजार ९ सय ३८ जनसंख्या रहेकोमा २ वर्ष मुनिका ६ हजार ७ सय ८ जना र अनुमानित गर्भवती ४ हजार ३ सय ४४ जना बाहेक १ लाख ६६ हजार ८ सय ८६ जनालाई हात्तीपाइले रोग विरुद्धको औषधि खुवाउने लक्ष्य रहेको बताउनुभयो । त्यसका लागि १ सय ११ जना स्वास्थ्यकर्मी परिचालन गरिनेछ ।

गर्भवती, सुत्केरी र सिकिस्त विरामी बाहेक २ वर्ष माथिका सबैलाई औषधि खुवाउने लक्ष्य छ । बाँकेसहित १२ जिल्लामा आम औषधि सेवन कार्यक्रम संचालन हुँदैछ । बाँकेमा २०६७ सालदेखि हात्तीपाइले रोग विरुद्धको औषधि खुवाउन सुरु गरिएको हो ।

प्रकाशित मिति: शनिबार, चैत १४, २०७७ १६:००

प्रतिक्रिया दिनुहोस्