नेपालगन्ज ४ को आइसोलेसन सन्चालनका लागि व्यवस्थापन समिती गठन

स्वास्थ्य

गृहपृष्ठ
स्वास्थ्य
नेपालगन्ज ४ को आइसोलेसन सन्चालनका लागि व्यवस्थापन समिती गठन

नेपालगन्ज ४ को आइसोलेसन सन्चालनका लागि व्यवस्थापन समिती गठन

शनिबार, वैशाख १८, २०७८ बागेश्वरी पोस्ट

नेपालगन्ज । नेपालगन्जको वडा नम्बर ४ को कोभिड आइसोलेसलाई ब्यबस्थित तरिकाले सन्चालन गर्नका लागि बसन्त मल्लको संयोजकत्वमा व्यवस्थापन समिती पनि गठन गरिएको छ।

बढ्दै गइरहेको कोरोना संक्रमणलाई मध्यनजर गर्दै सरल तथा व्यवस्थित तरिकाले आइसोलेसन सन्चालनका लागि समिती गठन गरिएको वडा अध्यक्ष मो. सफिक बेहनाले जानकारी दिएका छन् ।

व्यवस्थापन समितका सदस्यहरुमा चेत बहादुर गुरुङ,अकबर खान,राकेश शाह,शोभा थापा,मुस्लिम धर्म गुरु नसरुद्दिन अन्सारी,डा. दिपक गुप्ता,पत्रकारहरु सौरभ गिरी,आलम खान र काशीराम शर्मा रहेका छन् ।

त्यस्तै वडा प्रहरी कार्यालयका प्रमुख प्रहरी निरीक्षक डिल्ली बहादुर खड्का ,वडा नम्बर ४ का धर्म गुरु कौशल धामी ,रबि बर्मा र रासिद खानलाई सदस्य चयन गरिएको छ।

वडा नम्बर ४ मा स्थापना भएको उक्त आइसोलेसन सेन्टर भोलि दिउँसो ३ बजे उद्घाटन हुने अध्यक्ष बेहनाले बताए। वडा कार्यालयको आफ्नै सिमित बजेटमा निर्माण भएको अक्सिसहितको १० बेडको आइसोलेसन सेन्टरलाई थप सहयोग गर्न चाहने शुभचिन्तकहरुले अध्यक्ष बेहनालाई सम्पर्क गर्न सकिने छ।

वडा कार्यालयले आइसोलेसनका लागि चाहिने स्वास्थ्यकर्मीहरु छनोट गरि तयारी अवस्थामा राखिसकेको अध्यक्ष बेहनाले जानकारी दिएका छन् ।

आइसोलेसनमा अक्सिजन चाहिने सामान्य खालका कोरोना संक्रमितलाई मात्रै राखिने र जटिल खाले बिरामीलाई कोरोना अस्पतालमामा रिफर गरिने छ। आइसोलेसनमा दुई जना मेडिकल अफिसर,५ जना नर्स र हेल्थ असिस्टेन्टलाई छनोट गरिएको छ।

प्रकाशित मिति: शनिबार, वैशाख १८, २०७८ ०८:१७

प्रतिक्रिया दिनुहोस्