बाँकेमा थप ६ जना कोरोना संक्रमितको मृत्यु

स्वास्थ्य

गृहपृष्ठ
स्वास्थ्य
बाँकेमा थप ६ जना कोरोना संक्रमितको मृत्यु

बाँकेमा थप ६ जना कोरोना संक्रमितको मृत्यु

शनिबार, वैशाख १८, २०७८ बागेश्वरी पोस्ट

नेपालगन्ज । बाँकेमा थप ६ जना कोरोना संक्रमितहरुको मृत्यु भएको छ ।

कोरोना संक्रमणबाट मृत्यु हुनेमा बाँकेका ३ जना र बाहिरी जिल्लाका ३ जना रहेका छन् । नेपालगन्ज मेडिकल कलेज कोहलपुरमा उपचाररत तुलसीपुर १७ का ४५ बर्षीय पुरुषको शुक्रबार दिउँसो ३ बजे मृत्यु भएपनि उनको सोही दिन साँझ ७ बजे पिसीआर पोजेटिभ आएको कोरोना फोकल पर्सन तेज ओलीले जानकारी दिएका छन् ।

त्यस्तै सोही दिन राती साढे ९ बजे नेपालगन्ज ६ की ४७ बर्षीया महिलाको नेपालगन्ज मेडिकल कलेज कोहलपुरमा मृत्यु भएको छ । यसैगरी नेपालगन्ज मेडिकल कलेज कोहलपुरमा कृष्णनगर ५ कपिलवस्तुका ५१ बर्षीय पुरुषको उपचारका क्रममा गएराती १० बजे र सोही अस्पतालमै कोहलपुर ११ का ३५ बर्षीय पुरुषको गएराती साढे १२ बजे मृत्यु भएको ओलीले बताए ।

यता नेपालगन्जस्थित भेरी अस्पतालमा उपचाररत नेपालगन्ज १० की ५५ बर्षीया महिलाको शनिबार बिहान ४ बजे मृत्यु भएको छ भने नेपालगन्ज मेडिकल कलेज कोहलपुरमा उपचाररत दंगीशरण गाउँपालिका १ दाङका ६० बर्षीय पुरुषको मृत्यु भएको हो ।

उनको शनिबार बिहानै ४ बजे मृत्यु भएको थियो । यो सँगै हालसम्म बाँके जिल्लामा कोरोना संक्रमणबाट मृत्यु हुनेको संख्या ११८ र बाहिरी जिल्लाको ११७ पुगेको छ ।

प्रकाशित मिति: शनिबार, वैशाख १८, २०७८ ०९:२८

प्रतिक्रिया दिनुहोस्