बाँकेमा थप ४ जना संक्रमितको मृत्यु

स्वास्थ्य

गृहपृष्ठ
स्वास्थ्य
बाँकेमा थप ४ जना संक्रमितको मृत्यु

बाँकेमा थप ४ जना संक्रमितको मृत्यु

आइतबार, वैशाख १९, २०७८ बागेश्वरी पोस्ट

नेपालगन्ज ।बाँकेमा थप ४ जना कोरोना संक्रमितहरुको मृत्यु भएको छ।

कोरोना संक्रमणबाट मृत्यु हुनेमा बाँकेका ३ र बर्दियाका एक जना रहेका छन् । नेपालगन्ज मेडिकल कलेज कोहलपुरमा उपचाररत बर्दिया राजापुर २ का २७ बर्षीय पुरुषको शनिबार साँझ साढे ५ मृत्यु भएको कोरोना फोकल पर्सन तेज ओलीले जानकारी दिएका छन् ।

त्यस्तै सोही दिन साँझ ६ बजेर १५ मिनेटमा खजुरा ३ बाँकेका ५५ बर्षीय पुरुषको जनक शिक्षा सामाग्री आइसोलेसन केन्द्रमा मृत्यु भएको ओलीले बताए।

यसैगरी नेपालगन्ज मेडिकल कलेज कोहलपुरमा बैजनाथ २ बाँकेका ४० बर्षीय पुरुषको उपचारका क्रममा शुक्रवार साँझ ६ बजे मृत्यु भएको हो।

यता नेपालगन्जस्थित भेरी अस्पतालमा उपचाररत कोहलपुर ११ की ४० बर्षीया महिलाको गएराती ८ बजे मृत्यु भएको छ।

यो सँगै हालसम्म बाँके जिल्लामा कोरोना संक्रमणबाट मृत्यु हुनेको संख्या १२३
बाहिरी जिल्लाको ११९ पुगेको छ।

प्रकाशित मिति: आइतबार, वैशाख १९, २०७८ ०९:३१

प्रतिक्रिया दिनुहोस्