नेपालगन्ज ४ मा आजदेखि सुरु भयो आइसोलेसन सेन्टर

स्वास्थ्य

गृहपृष्ठ
स्वास्थ्य
नेपालगन्ज ४ मा आजदेखि सुरु भयो आइसोलेसन सेन्टर

नेपालगन्ज ४ मा आजदेखि सुरु भयो आइसोलेसन सेन्टर

आइतबार, वैशाख १९, २०७८ बागेश्वरी पोस्ट

नेपालगन्ज । नेपालगन्ज वडा नम्बर ४ ले निर्माण गरेको अक्सिजन सहितको १० बेडको कोभिड आइसोलेसन आजदेखि सुरु भएको छ ।

नेपालगन्ज ४ स्थित शहरी स्वास्थ्य प्रबर्द्धन केन्द्रमा स्थापना गरिएको आइसोलेसन सेन्टरको नेपालगन्जका मेयर डा. धवल शमशेर राणा, उप-प्रमुख उमा थापा मगर, बाँकेका सहायक प्रमुख जिल्ला अधिकारी शंकर बिष्ट र वडा अध्यक्ष मो. सफिक बेहनाले संयुक्त रुपमा उद्घाटन गरेका हुन् ।

उद्घाटन कार्यक्रममा बक्ताहरुले आइसोलेसन सुरुवात गरेकोमा अध्यक्ष बेहना र वडा नम्बर ४ का जनप्रतिनिधि लगायत कर्मचारीलाई बधाई दिदै गम्भीर भएर कोरोना संक्रमितहरुको उपचारमा लाग्न सुझाब दिएका थिए।

कोभिड आइसोलेसन निर्माणमा वडा अध्यक्ष बेहना, कार्यपालिका सदस्य इन्दिरा शाही,सदस्य मेनुका जोशी, वडा सचिब गौरी शाही लगायत सबै आफै खटिएका छन् । आइसोलेसनका लागि बेड राख्ने काम सकिएको अध्यक्ष बेहनाले भने। अध्यक्ष बेहनाका अनुसार आइसोलेसनमा ३ वटा सिसिटिभी क्यामेरा, वाइफाई सबै जडान गरिने भएको छ। अक्सिजन सिलिन्डर भने आज नै जडान गरिने छ।

आज देखि सुरु भएको आइसोलेसनमा २ जना मेडिकल अफिसर,५ जना स्टाफ नर्स र एक जना हेल्थ असिस्टेन्ट नियुक्ति गरिएको छ। नेपालगन्जमा अक्सिजन आबश्यक पर्ने कोरोनाका विरामीले अस्पतालमा बेड नपाउने समस्या सिर्जना भएपछि वडा नम्बर ४ का अध्यक्ष बेहनाको अगुवाइमा अक्सिजन सहितको १० बेडको कोभिड आइसोलेसन स्थापना गरिएको हो।

प्रकाशित मिति: आइतबार, वैशाख १९, २०७८ १८:०५