रेम्डिसिभिरको मूल्य बढी लिए यी नम्बरमा तुरुन्त फोन गर्नुहोस् ....

स्वास्थ्य

गृहपृष्ठ
स्वास्थ्य
रेम्डिसिभिरको मूल्य बढी लिए यी नम्बरमा तुरुन्त फोन गर्नुहोस् ....

रेम्डिसिभिरको मूल्य बढी लिए यी नम्बरमा तुरुन्त फोन गर्नुहोस् ....

मंगलबार, वैशाख २१, २०७८ बागेश्वरी पोस्ट

नेपालगन्ज । कोरोना संक्रमितलाई प्रयोग गरिने रेम्डिसिभिर लगायतका औषधि बिक्री वितरण गर्दा बढी मूल्य लिइएको पाइएमा सरकारले कारबाही गर्ने भएको छ।

औषधि व्यवस्था विभागले कोरोना संक्रमितको उपचारमा प्रयोग गरिने औषधीको अधिकतम खुद्रा मूल्य (एमआरपी) भन्दा बढी नलिन सरोकार पक्ष सबैलाई निर्देशन जारी गरेको छ ।

विभागले एक प्रेस विज्ञप्ति जारी गर्दै एमआरपी भन्दा बढीमा बिक्री वितरण गरेको पाइएमा प्रचलित कानुन अनुसार कारबाही हुने चेतावनी दिएको छ ।

कोरोना महामारी तीब्र गतिमा फैलिरहेको अवस्थामा बिरामीहरुका लागि प्रयोग हुने रेम्डिसिभिर लगायतका औषधिको कृतिम अभाव सिर्जना गरी मानवीय समवेदनाको ख्याल नगरी एमआरपी भन्दा बढी मूल्यमा बिक्री वितरण भइरहेको भन्ने गुनासो आएको भन्दै विभागले त्यसो नगर्न सबैमा सचेत गराएको छ। यदि यसो गरेको पाइएमा कडा कारबाही गर्ने चेतावनी दिएको हो।

कोरोना संक्रमितका लागि आबश्यक पर्ने औषधीको मूल्य बढाएर बिक्री गरेको भेटिएमा तत्काल बिभागका कर्मचारीहरु सन्तोष केसीको ९८५११८२०८७ र उषा तन्डुकारको ९८४१३८५६४६ मोबाइल नम्बरमा खबर गर्न बिभागले सम्बन्धित सबैलाई अनुरोध गरेको छ।