नेपालगन्ज ४ को आइसोलेसनबाट संक्रमितहरु निको भएर घर फर्कदै

स्वास्थ्य

गृहपृष्ठ
स्वास्थ्य
नेपालगन्ज ४ को आइसोलेसनबाट संक्रमितहरु निको भएर घर फर्कदै

नेपालगन्ज ४ को आइसोलेसनबाट संक्रमितहरु निको भएर घर फर्कदै

बिहीबार, वैशाख २३, २०७८ बागेश्वरी पोस्ट

नेपालगन्ज । नेपालगन्जमा ४ मा रहेको कोरोना आइसोलेसन सेन्टरमा ६ जना संक्रमित उपचार भइरहेको छ।

आइतबारदेखि संचालनमा आएको उक्त आइसोलेसनमा सुरुवाती अवस्थामा १२ जना कोरोना बिरामी भर्ना भएपनि हाल ६ जना मात्रै उपचारमा रहेको वडा अध्यक्ष मो. सफिक बेहनाले बताए।

अध्यक्ष बेहनाका अनुसार ३ जना निको भएर डिस्चार्ज भइसकेका छन् भने ३ जनालाई अन्यत्रै रिफर गरिएको छ। अहिले ३ जना पुरुष र ३ जना महिलाको उपचार भइरहेको अध्यक्ष बेहनाले भने।

बिरामीहरुको उचित हेरचाहका कारण त्यहाँ उपचाररत कोरोना संक्रमितहरुले अध्यक्ष बेहना र स्वास्थ्यकर्मीलाई धन्यबाद दिएका छन।

अध्यक्ष बेहना आफू बिरामी रहे पनि रातदिन आइसोलेसनका बिरामीको निगरानी गर्नुका साथै बिरामीहरुलाई हौसला प्रदान गर्दै आएका छन् ।

प्रकाशित मिति: बिहीबार, वैशाख २३, २०७८ २२:३३

प्रतिक्रिया दिनुहोस्