भेरी अस्पतालमा डियुटीमा रहेका स्वास्थ्यकर्मी शाहीमाथी आक्रमण

सुरक्षा-अपराध

गृहपृष्ठ
सुरक्षा-अपराध
भेरी अस्पतालमा डियुटीमा रहेका स्वास्थ्यकर्मी शाहीमाथी आक्रमण

भेरी अस्पतालमा डियुटीमा रहेका स्वास्थ्यकर्मी शाहीमाथी आक्रमण

शुक्रबार, वैशाख २४, २०७८ सौरभ गिरी

नेपालगन्ज । अहिलेको कोरोना महामारीमा स्वास्थ्यकर्मीहरुले आफ्नो ज्यान दाउमा राखेर बिरामीको सेवा गरिरहेको सबैले देखे सुनेको कुरा हो।

स्वास्थ्यकर्मीहरु बास्तबमा भगवान नै हुन् भन्दा फरक नपर्ला तर यस्तो जटिल परिस्थितिमा ती स्वास्थ्यकर्मीलाई आक्रमण हुनु सारै गलत कार्य हो। यस्तै घिनलाग्दो घटना आज भेरी अस्पतालमा भएको छ।

भेरीमा स्वास्थ्यकर्मी बिरामीका आफन्तबाट आक्रमणको शिकार बन्नु परेको छ । यो सुन्दा अति आश्चर्य लाग्छ!

भेरी अस्पतालको ईमर्जेन्सी वार्डका एक जना स्वास्थ्यकर्मीमाथी आक्रमण भएको हो।डियुटीमै रहेका हेल्थ असिस्टेन्ट पुपेन्द्र शाहीलाई कोरोना संक्रमितहरुका आफन्तले आज बिहान आक्रमण गरेका हुन् ।

भेरी अस्पतालको कोरोना वार्डमा संक्रमितको मृत्यु भएपश्चात् ईमर्जेन्सीमा आएर डाक्टर खै भन्दै ५/७ जनाको समूहमा आएका मृतकका आफन्तहरुके आफुलाई आक्रमण गरेको शाहीले बताए।

"इमर्जेन्सी वार्डका डाक्टर अनिल महर्जन पनि म देखि नजिकै हुनुहुन्थ्यो तर मृतकका आफन्तले मलाई अगाडी देखेपछी सिधै आक्रमण गरेको" हेल्थ असिस्टेन्ट शाहीले भने।

'यस्तो बिषम परिस्थितिमा हामीहरु १४ दिनको आइसोलेसन बसेर बिरामीको सेवा गर्न भनेर आएका छौ तर हामिलाई नै आक्रमण हुनु कति दुर्भाग्यपूर्ण कुरा हो' डाक्टर अनिल महर्जनले भने।

कोरोना वार्डमा के भएको हो त्यो पनि थाहा हुन नपाउदै यसरी एक्कासी आक्रमण हुनु निकै खेदपुर्ण कुरा रहेको डाक्टर महर्जनले बताए।

यता आक्रमण पश्चात् पनि अस्पताल प्रशासनले र प्रहरीले समेत कुनै वास्ता नगरेको र कुनै कारबाही प्रक्रिया अघि नबढाएको इमर्जेन्सीका स्वास्थ्यकर्मीहरुले बताएका छन् ।

अस्पतालको संयुक्त इमर्जेन्सी चिकित्सक, तथा पारा मेडिक्सको टोलीले तत्काल दोषीहरुलाई कारबाही प्रक्रिया अगाडी बढाउने पर्ने र यदि यसो नगरेमा आन्दोलनमा जाने चेतावनी दिएको छ। तस्बिर: रातो घेरामा हेल्थ असिस्टेन्ट पुपेन्द्र शाही र हरियो घेरामा डाक्टर अनिल महर्जन

प्रकाशित मिति: शुक्रबार, वैशाख २४, २०७८ १६:५९

प्रतिक्रिया दिनुहोस्