अमेरिकी रक्षा मन्त्रालयद्वारा नेपाललाई विभिन्न स्वास्थ्य उपकरण हस्तान्तरण

स्वास्थ्य

गृहपृष्ठ
स्वास्थ्य
अमेरिकी रक्षा मन्त्रालयद्वारा नेपाललाई विभिन्न स्वास्थ्य उपकरण हस्तान्तरण

अमेरिकी रक्षा मन्त्रालयद्वारा नेपाललाई विभिन्न स्वास्थ्य उपकरण हस्तान्तरण

बुधबार, वैशाख २९, २०७८ बागेश्वरी पोस्ट

नेपालगन्ज । अमेरिकी रक्षा मन्त्रालयले नेपाललाई कोभिड–१९ का जटिल विरामीहरूको उपचारका लागि अतिरिक्त श्वासप्रश्वास उपकरण, उच्च प्रवाही (आइफ्लो) अक्सिजन थेरापी उपकरण लगायत सामग्री हस्तान्तरण गरेको छ । उक्त सामग्री अमेरिकी रक्षा मन्त्रालयका प्रतिनिधिले सीसीएमसी (कोभिड–१९ संकट व्यवस्थापन केन्द्र)लाई हस्तान्तरण गरेका हुन् । यसका अतिरिक्त अमेरिकी रक्षा मन्त्रालयले प्रदान गरेको स्वास्थ्य सामग्रीमा पीपीई सेट लगायत सामग्री पनि रहेको बताइएको छ ।

कोरोना भाइरस महामारी नियन्त्रण र उपचारका लागि अमेरिकाले नेपाललाई ३ करोड ९९ लाख अमेरिकी डलर (४ अर्ब ७० करोड रुपैयाँ) सहयोग गरेको छ । महामारी शुरु भएयता अमेरिकी सहयोग नियोग (युएसएड) ले ३ करोड ६८ लाख र अमेरिकी रक्षा मन्त्रालय (डिपार्टमेन्ट अफ डिफेन्स) ले ३१ लाख अमेरिकी डलर सहयोग दिएको हो ।

युएसएडले कोभिड–१९ सहयोग यसका साझेदार कार्यान्वयन निकायमार्फत् ५५ प्रतिशत जनसंख्यामा पुगेको उल्लेख गरेको छ । समुदाय, नगर संघीय तहमा उपचार, उपकरण तथा सेवा प्रवाह सुधारमा युएसएडको सहयोग परिचालन भएको छ । युएसएडको सहयोगले १०० भेन्टिलेटर, १० हजार व्यक्तिगत सुरक्षा उपकरण (पीपीई) तथा एचआईभी संक्रमितहरूको लागि एन्टीभाइरल औषधी वितरण गरिरहेको छ ।

प्रकाशित मिति: बुधबार, वैशाख २९, २०७८ १७:५३

प्रतिक्रिया दिनुहोस्