बाँकेमा १२९ संक्रमित थपिँदा ६२१ जना निको, ९ को मृत्यु

स्वास्थ्य

गृहपृष्ठ
स्वास्थ्य
बाँकेमा १२९ संक्रमित थपिँदा ६२१ जना निको, ९ को मृत्यु

बाँकेमा १२९ संक्रमित थपिँदा ६२१ जना निको, ९ को मृत्यु

बिहीबार, वैशाख ३०, २०७८ बागेश्वरी पोस्ट

नेपालगन्ज । बाँकेका दुई वटा प्रयोगशालामा गरिएको पिसिआर परिक्षणमा २ सय ३५ जना कोरोना संक्रमित थपिएका छन् । ती मध्ये बाँकेका मात्र १ सय २९ जना छन् ।

पछिल्लो २४ घण्टामा ६ सय २१ जना कोरोना संक्रमणबाट मुक्त भई डिष्चार्ज भएका छन् । गत २४ घण्टामा बाँकेका ९ जना संक्रमितको मृत्यु भएको छ भने बाहिरी जिल्लाका ५ जनाले ज्यान गुमाएका छन् ।

जिल्ला कोभिड-१९ संकट व्यवस्थापन केन्द्रका फोकल पर्सन तेज ओलीका अनुसार नेपालगन्ज मेडिकल कलेज कोहलपुरमा गरिएको परिक्षणमा १ सय जनालाई कोरोना संक्रमण पुष्टि भएको छ भने बागेश्वरी ल्याबमा १ सय ३५ जनामा कोरोना पुष्टि भएको छ ।

हालसम्म १४ हजार ५ सय ५७ जना संक्रमित भएका छन् । ती मध्ये १० हजार ८ सय ४९ जना निको भई डिष्चार्ज भएका छन् । संक्रमित मध्ये २ सय १७ जनाको मृत्यु भएको छ ।

जिल्लामा ३ हजार ४ सय ९१ जना आइसोलेसनमा रहँदा ५ सय ३५ जना अस्पताल र आइसोलेसनमा छन् भने ३ हजार ७८ जना होम आइसोलेसनमा छन् ।

प्रकाशित मिति: बिहीबार, वैशाख ३०, २०७८ १७:४१

प्रतिक्रिया दिनुहोस्