बाँकेका थप ५१५ जनामा कोरोना संक्रमण, ३२३ डिष्चार्ज

स्वास्थ्य

गृहपृष्ठ
स्वास्थ्य
बाँकेका थप ५१५ जनामा कोरोना संक्रमण, ३२३ डिष्चार्ज

बाँकेका थप ५१५ जनामा कोरोना संक्रमण, ३२३ डिष्चार्ज

शुक्रबार, वैशाख ३१, २०७८ बागेश्वरी पोस्ट

नेपालगन्ज । बाँकेमा आज एकै दिन ९०५ जना कोरोना संक्रमित थपिएका छन् । यी मध्ये बाँकेका मात्र ५१५ जना छन् । आज ३२३ जना डिष्चार्ज हुँदा १५ जनाको मृत्यु भएको छ । यी मध्ये बाँकेका मात्र ८ जना छन् ।

भेरी अस्पतालमा ६८८ जना, नेपालगन्ज मेडिकल कलेज कोहलपुरमा गरिएको परिक्षणमा जिल्ला र जिल्ला बाहिरका १०१ जनालाई कोरोना संक्रमण पुष्टि भएको छ भने बागेश्वरी ल्याबमा ११६ जनामा कोरोना पुष्टि भएको जिल्ला कोभिड-१९ संकट व्यवस्थापन केन्द्रका फोकल पर्सन तेज ओलीले बताउनुभयो ।

हालसम्म १५ हजार ७२ जना संक्रमित भएका छन् । ती मध्ये ११ हजार १ सय ७८ जना निको भई डिष्चार्ज भएका छन् । संक्रमित मध्ये २ सय २५ जनाको मृत्यु भएको छ ।

जिल्लामा ३ हजार ६ सय ७५ जना आइसोलेसनमा रहँदा ५ सय २४ जना अस्पताल र आइसोलेसनमा छन् भने ३ हजार ३ सय ११ जना होम आइसोलेसनमा छन् ।

प्रकाशित मिति: शुक्रबार, वैशाख ३१, २०७८ १७:५६

प्रतिक्रिया दिनुहोस्