'अक्सिजन लिक्विड' ट्याङकर भेरी अस्पतालमा आइपुग्यो

स्वास्थ्य

गृहपृष्ठ
स्वास्थ्य
'अक्सिजन लिक्विड' ट्याङकर भेरी अस्पतालमा आइपुग्यो

'अक्सिजन लिक्विड' ट्याङकर भेरी अस्पतालमा आइपुग्यो

मंगलबार, जेठ ४, २०७८ बागेश्वरी पोस्ट

नेपालगन्ज। भेरी अस्पतालले कोरोना संक्रमित बिरामीको उपचारका लागि प्रयोग हुने ‘अक्सिजन लिक्विड’ ल्याएको छ । आज दिउँसो ‘अक्सिजन लिक्विड’ बोकेको ट्याङकर अस्पताल परिसरमा आएको हो ।

भारतबाट आएको उक्त अक्सिजन लिक्विड अस्पताल परिसरमा रहेको अक्सिजन ट्याङ्कमा भण्डारण गर्ने काम भईरहेको भेरी अस्पतालका मेडिकल सुपरिटेन्डेन्ट डाक्टर प्रकाश थापाले जानकारी दिए ।

ट्याङकरमा २० हजार लिटर ‘अक्सिजन लिक्विड’ आएको मध्ये १० हजार लिटर भेरी अस्पताललाई र बाँकी १० हजार लिटर नेपालगन्ज मेडिकल कलेज शिक्षण अस्पताल कोहलपुरको लागि भएको थापाले बताए । ‘अक्सिजन लिक्विड’ आइसकेपछि कोरोनाका बिरामीलाई उपचार गर्नमा सहजता हुने डाक्टर थापाले बताए ।

कोरोना बिरामीहरुको उपचारकालागि अत्यावश्यक अक्सिजन भण्डारणकालागि ल्याईएको लिक्विड अक्सिजन ट्याङ्क अस्पताल परिसरमा हिजो मात्रै जडान गरिएको थियो । उक्त ट्याङ्क २० हजार लिटर अक्सिजन लिक्विड’ भण्डारण क्षमताको रहेको छ ।

प्रकाशित मिति: मंगलबार, जेठ ४, २०७८ १६:३५

प्रतिक्रिया दिनुहोस्