'कोभिड रोकथाम र नियन्त्रणका लागि नेपालगञ्जले गरेको प्रयासको प्रशंसा'

स्वास्थ्य

गृहपृष्ठ
स्वास्थ्य
'कोभिड रोकथाम र नियन्त्रणका लागि नेपालगञ्जले गरेको प्रयासको प्रशंसा'

'कोभिड रोकथाम र नियन्त्रणका लागि नेपालगञ्जले गरेको प्रयासको प्रशंसा'

बिहीबार, जेठ ६, २०७८ बागेश्वरी पोस्ट

नेपालगञ्ज । नेपालगञ्ज उपमहानगरपालिका वडा नम्बर १० का युवराज शाह कोभिड संक्रमण भएपछि सुरुमा भेरी अस्पताल हुँदै उपमहानगरपालिकाले सञ्चालन गरेको रामलिला मैदानस्थित आइसोलेसनमा बस्नुभयो ।

बिहिवार कोभिड निको भई घर फिर्ता हुने क्रममा शाहले कोभिड रोकथाम र नियन्त्रणका लागि नेपालगञ्जले गरेको प्रयासको प्रशंसा गर्नुभयो । नेपालगञ्जले निःशुल्क पिसिआर परिक्षण र एन्टिजिन परिक्षण, नि:शुल्क एम्बुलेन्स सेवा, आइसोलेसनमा बस्नेहरुको लागि खाना र नास्ताको व्यवस्था गर्दै आएको भन्दै उहाँले आइसोलेसन बसाईं एकदमै राम्रो भएको बताउनुभयो । आइसोलेसनको सम्पूर्ण सेवा र अन्य व्यवस्थापन राम्रो भएको उहाँको भनाई छ । रामलिला मैदानस्थित आइसोलेसनमा चिकित्सकसँगै स्वास्थ्यकर्मीले नियमित रेखदेख गर्दै आउनुभएको छ ।

'आइसोलेसनमा गरिएको सम्पूर्ण व्यवस्थापन एकदमै राम्रो छ, डिष्चार्ज हुने क्रममा शाहले भन्नुभयो–'नगरबासीका लागि उपमहानगरले गरेको प्रयास आफैंमा सह्रानीय छ ।' नेपालगञ्ज उपमहानगरपालिकाका उपप्रमुख उमा थापा मगरले कोभिड रोकथाम र नियन्त्रणका लागि सुरुवातदेखि नै नेपालगञ्जले आवश्यक तयारी सहित लागिपरेको बताउनुभयो ।

आइसोलेसनमा नगर प्रमुख डा. धवलशम्शेर राणा, उपप्रमुख मगर सहित दैनिकजसो पुगेर विरामीको अवस्थाबारे जानकारी लिने तथा स्वास्थ्यकर्मीसँग आवश्यक छलफल गर्ने गर्नुभएको छ । नेपालगञ्जले रामलिला मैदान र ह्वाइटहाउसमा आइसोलेसन केन्द्र सञ्चालन गर्दै आएको छ । नगरको वडा नम्बर ४ र वडा नम्बर १२ मा पनि आइसोलेसन केन्द्र सञ्चालनमा छ ।

प्रकाशित मिति: बिहीबार, जेठ ६, २०७८ १५:५८

प्रतिक्रिया दिनुहोस्