पछिल्लो २४ घण्टामा बाँकेको कोभिड मृत्यु शून्य, ४५२ निको

स्वास्थ्य

गृहपृष्ठ
स्वास्थ्य
पछिल्लो २४ घण्टामा बाँकेको कोभिड मृत्यु शून्य, ४५२ निको

पछिल्लो २४ घण्टामा बाँकेको कोभिड मृत्यु शून्य, ४५२ निको

आइतबार, जेठ ९, २०७८ बागेश्वरी पोस्ट

नेपालगन्ज । बाँकेमा आज १४४ जना कोरोना संक्रमित थपिएका छन् । जुन जम्मा परिक्षणको २९.२ प्रतिशत हो । आज ४५२ जना डिष्चार्ज हुँदा पछिल्लो २४ घण्टामा कसैको पनि मृत्यु भएको छैन । यहाँका तीन वटा प्रयोगशालामा गरिएको परिक्षणमा बाहिरी जिल्लाका समेत गरी ३९० जनामा कोरोना पुष्टि भएको छ ।

भेरी अस्पतालमा २६५, नेपालगन्ज मेडिकल कलेज कोहलपुरमा ३६ जना र बागेश्वरी ल्याबमा गरिएको परिक्षणमा जिल्ला र जिल्ला बाहिरका ८९ जनालाई कोरोना संक्रमण पुष्टि भएको जिल्ला कोभिड-१९ संकट व्यवस्थापन केन्द्रका फोकल पर्सन तेज ओलीले बताउनुभयो ।

हालसम्म बाँकेमा १६ हजार ५ सय ९ जना संक्रमित भएका छन् । ती मध्ये १४ हजार ६ सय ७९ जना निको भई डिष्चार्ज भएका छन् । संक्रमित मध्ये २ सय ७३ जनाको मृत्यु भएको छ । आज जमुनाहा नाकामा १६०४ जनाको जाँच गरिएकोमा शंकास्पद ६६ जनाको एन्टिजेन परिक्षण गर्दा संक्रमण शून्य रहेको वलीले बताउनुभयो ।

जिल्लामा १ हजार ५ सय ५७ जना आइसोलेसनमा रहँदा ३ सय ९४ जना अस्पताल र आइसोलेसनमा छन् भने १ हजार २ सय ८४ जना होम आइसोलेसनमा छन् ।

प्रकाशित मिति: आइतबार, जेठ ९, २०७८ १६:५९

प्रतिक्रिया दिनुहोस्