कोरोनाबाट नेपाल प्रहरीका डीएसपी खरेलको निधन

स्वास्थ्य

गृहपृष्ठ
स्वास्थ्य
कोरोनाबाट नेपाल प्रहरीका डीएसपी खरेलको निधन

कोरोनाबाट नेपाल प्रहरीका डीएसपी खरेलको निधन

सोमबार, जेठ १०, २०७८ बागेश्वरी पोस्ट

नेपालगन्ज । नेपाल प्रहरीका डीएसपी समिरचन्द्र खरेलको कोरोना भाइरसको संक्रमणका कारण निधन भएको छ ।

संक्रमण पुष्टि भएका डीएसपी खरेल नेपाल प्रहरी अस्पतालमा उपचाररत थिए । उनको आज सोमबार निधन भएको पारिवारिक स्रोतले जनाएको छ ।

खरेल संगठनमा इमान्दार र व्यवसायीक अधिकृतको रुपमा परिचित थिए । उनी प्रहरी प्रशिक्षण प्रतिष्ठान महाराजगञ्जमा कार्यरत थिए ।

प्रहरी अस्पतालमा जेठ ६ मा राति महानगरीय प्रहरी परिसर काठमाडौंमा कार्यरत डिएसपी राजकुमार केसीले पनि ज्यान गुमाएका थिए । वैशाख २२ संक्रमण भएपछि केसीलाई सो अस्पतालमा भर्ना गरिएको थियो ।

प्रकाशित मिति: सोमबार, जेठ १०, २०७८ १७:३८

प्रतिक्रिया दिनुहोस्