बाँकेमा कोरोनाबाट थप ६ जनाको मृत्यु

स्वास्थ्य

गृहपृष्ठ
स्वास्थ्य
बाँकेमा कोरोनाबाट थप ६ जनाको मृत्यु

बाँकेमा कोरोनाबाट थप ६ जनाको मृत्यु

शुक्रबार, जेठ १४, २०७८ बागेश्वरी पोस्ट

नेपालगन्ज । बाँकेमा कोरोना संक्रमणका कारण थप ६ जनाको मृत्यु भएको छ । भेरी अस्पतालमा ३ जना र नेपालगन्ज मेडिकल कलेज कोहलपुरमा ३ जनाको मृत्यु भएको हो । मृत्यु हुनेमा बर्दिया र दाङका २/२ जना तथा बाँके र जाजरकोटका १/१ जना छन् ।

जिल्ला कोभिड-१९ संकट व्यवस्थापन केन्द्र बाँकेका फोकल पर्सन तेज वलीका अनुसार भेरी अस्पतालमा उपचाररत ठाकुरबाबा ३ बर्दियाका ३७ वर्षीय पुरुष, तुलसीपुर ११ दाङका ५२ वर्षीय पुरुष र गुलरिया ६ बर्दियाका ५७ वर्षीय पुरुषको कोरोनाबाट मृत्यु भएको छ ।

त्यस्तै नेपालगन्ज मेडिकल कलेज कोहलपुरमा उपचाररत भेरी नगरपालिका १ जाजरकोटकी ७० वर्षीया महिला, कोहलपुर ११ बाँकेका ६९ वर्षीय पुरुष र लमही ६ दाङका ४७ वर्षीय पुरुषको मृत्यु भएको छ ।

यो संगै कोरोनाबाट बाँकेका २८७ जनाको मृत्यु भएको छ भने बाहिरी जिल्लाका २६९ जनाको मृत्यु भएको छ ।

प्रकाशित मिति: शुक्रबार, जेठ १४, २०७८ १०:१९

प्रतिक्रिया दिनुहोस्