बानका अध्यक्ष न्यौपानेको निधनप्रति अकोराबद्वारा दु:ख ब्यक्त

स्वास्थ्य

गृहपृष्ठ
स्वास्थ्य
बानका अध्यक्ष न्यौपानेको निधनप्रति अकोराबद्वारा दु:ख ब्यक्त

बानका अध्यक्ष न्यौपानेको निधनप्रति अकोराबद्वारा दु:ख ब्यक्त

शुक्रबार, जेठ १४, २०७८ बागेश्वरी पोस्ट

नेपालगन्ज । व्यवसायिक रेडियोहरुको छाता संगठन ब्रोडकास्टिङ एसोसिएसन अफ नेपाल (बान) का अध्यक्ष चन्द्र न्यौपानेको निधनप्रति सामुदायिक रेडियो प्रसारक संघ नेपाल (अकोराब) ले दु:ख व्यक्त गरेको छ ।

अकोराबका अध्यक्ष अर्जुन गिरीले आज एक शोक बक्तब्य निकालेर विज्ञापन बोर्डका सदस्य तथा सुनसरीको इटहरीस्थित रेडियो सप्तकोशी एफएमका स्टेशन म्यानेजर न्यौपानेको असामयिक निधनले स्तब्ध बनाएको उल्लेख गर्नुभएको छ ।

न्यौपानेको निधनले नेपालको स्वतन्त्र र व्यावसायिक रेडियो आन्दोलनमा अपूरणीय क्षति भएको भन्दै शोक बक्तब्यमा भनिएको छ-"नेपालको स्वतन्त्र र व्यवसायिक रेडियो स्थापना र विस्तारको अभियान र आन्दोलनमा महत्वपूर्ण र अग्रणी भूमिका निर्वाह गर्नुभएका, नेपालको स्वतन्त्र रेडियो बचाउ आन्दोलनमा अमूल्य योगदान गर्नुभएका र रेडियोका साझा मुद्दाहरुमा सामुदायिक रेडियो प्रसारक संघसँग विगत लामो समयदेखि सहकार्य र समन्वय गरी रेडियो अभियानलाई यो स्थानसम्म ल्याउन उल्लेख्य योगदान गर्नुभएका न्यौपानेको निधनले अपूरणीय क्षति पुगेको छ ।"

अकोराबले दिवंगत आत्माको चीर शान्तिको कामना गर्दै भावपूर्ण श्रद्धाञ्जली अर्पण गर्दै शोकसन्तप्त परिवारजनमा गहिरो समवेदना व्यक्त गरेको छ । कोरोना संक्रमित भई विराटनगरको विराट मेडिकल कलेजमा उपचाररत न्यौपानेको आज विहान निधन भएको थियो । श्वासप्रश्वासमा समस्या भएपछि न्यौपानेलाई वैैशाख २८ गते बेलुका विराटमा भर्ना गरिएको थियो ।

प्रकाशित मिति: शुक्रबार, जेठ १४, २०७८ १६:०३

प्रतिक्रिया दिनुहोस्