बाँकेमा ५९ कोरोना संक्रमित थपिए, १०४ डिष्चार्ज

स्वास्थ्य

गृहपृष्ठ
स्वास्थ्य
बाँकेमा ५९ कोरोना संक्रमित थपिए, १०४ डिष्चार्ज

बाँकेमा ५९ कोरोना संक्रमित थपिए, १०४ डिष्चार्ज

शनिबार, जेठ १५, २०७८ बागेश्वरी पोस्ट

नेपालगन्ज । बाँकेमा आज ५९ जना कोरोना संक्रमित थपिएका छन् । जुन जम्मा परिक्षणको २८.१ प्रतिशत हो । आज १०४ जना डिष्चार्ज भएका छन् । यहाँका तीन वटा प्रयोगशालामा गरिएको परिक्षणमा बाहिरी जिल्लाका समेत गरी २१० जनामा कोरोना पुष्टि भएको छ । आज यहाँका अस्पतालमा थप ५ जनाको मृत्यु भएको छ । बाँकेका भने कसैको मृत्यु भएको छैन ।

भेरी अस्पतालमा १४७, नेपालगन्ज मेडिकल कलेज कोहलपुरमा ३५ जना र बागेश्वरी ल्याबमा गरिएको परिक्षणमा जिल्ला र जिल्ला बाहिरका २८ जनालाई कोरोना संक्रमण पुष्टि भएको जिल्ला कोभिड-१९ संकट व्यवस्थापन केन्द्रका फोकल पर्सन तेज ओलीले बताउनुभयो ।

हालसम्म बाँकेमा १७ हजार १० जना संक्रमित भएका छन् । ती मध्ये १५ हजार ६ सय ३८ जना निको भई डिष्चार्ज भएका छन् । संक्रमित मध्ये २ सय ८८ जनाको मृत्यु भएको छ ।

जिल्लामा १ हजार ८४ जना आइसोलेसनमा रहँदा ३ सय ३२ जना अस्पताल र आइसोलेसनमा छन् भने ९ सय ७९ जना होम आइसोलेसनमा छन् ।

प्रकाशित मिति: शनिबार, जेठ १५, २०७८ १८:०९

प्रतिक्रिया दिनुहोस्