नेपालगञ्जमा भोलि छुटेकालाई कोभिसिल्ड खोपको दोस्रो मात्रा दिइने

स्वास्थ्य

गृहपृष्ठ
स्वास्थ्य
नेपालगञ्जमा भोलि छुटेकालाई कोभिसिल्ड खोपको दोस्रो मात्रा दिइने

नेपालगञ्जमा भोलि छुटेकालाई कोभिसिल्ड खोपको दोस्रो मात्रा दिइने

बिहीबार, असार ३, २०७८ बागेश्वरी पोस्ट

नेपालगञ्ज । नेपालगञ्ज उपमहानगरपालिकाले पहिलो प्राथमिकतामा परेकालाई भोलि कोभिसिल्ड खोपको दोस्रो मात्रा दिने भएको छ ।

उपमहानगरपालिकाका स्वास्थ्य शाखा प्रमुख रामबहादुर चन्दले कोभिसिल्ड खोपको पहिलो मात्रा लगाइसकेका र दोस्रो मात्रा लगाउने समय पुगेर पनि विविध कारणले छुट भएका स्वास्थ्यकर्मी, सरसफाईकर्मी, महिला स्वास्थ्य स्वयंसेविका, सुरक्षाकर्मी, कर्मचारी, पत्रकार र जनप्रतिनिधिलाई दोस्रो मात्रा दिन लागिएको बताउनुभयो ।

नेपालगञ्ज उपमहानगरपालिकाकै कार्यालयमा भोलि विहान १० बजेदेखि ३ बजेसम्म खोप दिइने चन्दले जानकारी दिनुभयो । खोप लगाउन जाँदा अनिवार्यरुपमा खोप कार्ड लैजानुपर्नेछ ।