बाँकेका कोभिड डेडिकेटेड अस्पतालहरुमा ८८ प्रतिशत बेड खाली

स्वास्थ्य

गृहपृष्ठ
स्वास्थ्य
बाँकेका कोभिड डेडिकेटेड अस्पतालहरुमा ८८ प्रतिशत बेड खाली

बाँकेका कोभिड डेडिकेटेड अस्पतालहरुमा ८८ प्रतिशत बेड खाली

बुधबार, असार ९, २०७८ बागेश्वरी पोस्ट

नेपालगञ्ज । बाँकेका कोभिड डेडिकेटेड अस्पतालहरुमा ८८ प्रतिशत बेड खाली भएका छन् । कोभिड उपचारका लागि जिल्लाका चार वटा अस्पतालमा छुट्टयाइएका ३ सय ६१ बेडमध्ये ३ सय २ बेड खाली भएको जनस्वास्थ्य अधिकृत नरेश श्रेष्ठले बताउनुभयो ।

एक डेढ महिना अघिसम्म कोभिड संक्रमितले बाँकेका अस्पतालहरू भरिभराउ थिए । अक्सिजन र बेड नपाएरै बिरामीले ज्यान गुमाउनुपरेको थियो । तर, अस्पतालमा अहिले ४४ जना मात्र बिरामी छन् । ती मध्ये बाँकेका ९ जना र बाहिरी जिल्लाका ३५ जना छन् । २५ वैशाखपछि संक्रमित बिरामीको संख्या क्रमशः घट्न थालेको हो ।

२ सय बेड छुट्टयाइएको भेरी अस्पतालमा अहिले ३८ जना बिरामी छन् । ती मध्ये १३ जना सिकिस्त छन् । यस्तै १ सय ३० बेड छुट्टयाइएको मेडिकल कलेजमा ४ जना बिरामीको उपचार भइरहेको छ । ती सबै सिकिस्त छन । त्यस्तै, शल्यक्रिया गर्नुपर्ने अवस्थाका संक्रमितका लागि १६ बेड छुट्टयाइएको वेष्टर्न हस्पिटलमा दुई जना मात्र बिरामी छन् । यस्तै युनाइटेडका १५ बेड मध्ये सबै खाली छन् ।

प्रकाशित मिति: बुधबार, असार ९, २०७८ १४:३०

प्रतिक्रिया दिनुहोस्