बाँकेका पिसिआर ल्याबमा दुर्ई महिना यताकै कम संक्रमणदर

स्वास्थ्य

गृहपृष्ठ
स्वास्थ्य
बाँकेका पिसिआर ल्याबमा दुर्ई महिना यताकै कम संक्रमणदर

बाँकेका पिसिआर ल्याबमा दुर्ई महिना यताकै कम संक्रमणदर

शुक्रबार, असार ११, २०७८ बागेश्वरी पोस्ट

नेपालगन्ज । बाँकेका पिसिआर ल्याबमा गरिएको कोरोना परिक्षणमा आज दुई महिना यताकै कम संक्रमणदर देखिएको छ । बैशाखको पहिलो साताबाट निरन्तर उकालो लागेको संक्रमणदर जेठ पहिलो साताबाट घट्दो क्रममा रहेकोमा आज दुई महिना यताकै कम छ । दुई महिना अघि ८० प्रतिशत बढी पुगेको संक्रमणदर आज ७.७५ प्रतिशत मात्रै छ । १२९ स्वाब परिक्षण गर्दा १० जनामा कोरोना पुष्टि भएको छ । तर, बाँकेको मात्रै संक्रमणदर आज ३० प्रतिशत छ ।

आज ३ जना कोरोना संक्रमित थपिएका छन् । ९ जना डिष्चार्ज भएका छन् । यहाँका तीन वटा प्रयोगशालामा गरिएको परिक्षणमा बाहिरी जिल्लाका समेत गरी १० जनामा कोरोना पुष्टि भएको छ । आज बर्दियाका एक जनाको मृत्यु भएको छ । भेरी अस्पतालमा ७ जना, नेपालगन्ज मेडिकल कलेज कोहलपुरमा २ जना र बागेश्वरी ल्याबमा १ जनालाई कोरोना संक्रमण पुष्टि भएको जिल्ला कोभिड १९ संकट व्यवस्थापन केन्द्रका फोकल पर्सन तेज ओलीले बताउनुभयो ।

हालसम्म बाँकेमा १७ हजार ४ सय २५ जना संक्रमित भएका छन् । ती मध्ये १७ हजार ५६ जना निको भई डिष्चार्ज भएका छन् । संक्रमित मध्ये ३ सय १० जनाको मृत्यु भएको छ । जिल्लामा ५९ जना सक्रिय संक्रमित रहँदा ४० जना अस्पताल र आइसोलेसनमा छन् भने ५५ जना होम आइसोलेसनमा छन् ।

प्रकाशित मिति: शुक्रबार, असार ११, २०७८ १५:२६

प्रतिक्रिया दिनुहोस्