रेडहिलमा विद्यार्थीको स्वास्थ्य परिक्षण

स्वास्थ्य

गृहपृष्ठ
स्वास्थ्य
रेडहिलमा विद्यार्थीको स्वास्थ्य परिक्षण

रेडहिलमा विद्यार्थीको स्वास्थ्य परिक्षण

बिहीबार, मंसिर १९, २०७६ बागेश्वरी पोस्ट

नेपालगञ्ज। नेपालगञ्ज– १० स्थित रेडहिल एकेडेमीमा विद्यार्थीहरुको निशुल्क स्वास्थ्य परिक्षण गरिएको छ ।

लायन्स क्लव अफ नेपालगञ्ज एभरेष्टद्धारा आज बीहीबार आयोजित कार्यक्रममा बाल रोग विशेषज्ञ डा रोमा बोहरा, नेपालगञ्ज मेडीकल कलेजका सहायक निर्देशक डा. रोमन किदवाई लगायतको टोलीले स्वास्थ्य परिक्षण गरेको हो। कार्यक्रमका प्रमुअ अतिथी एवं लायन्स डिष्ट्रिकका चिफ एडभाइजर मुकुट ढकालले लायन्सले सामाजिक तथा मानवीय सेवामा निरन्तर कार्य गर्दै आएको भन्दै थप सहकार्यको पनि आवश्यक्ता औल्याउनु भयो ।

लायन्स क्लव अफ नेपालगञ्ज एभरेष्टका अध्यक्ष केपी घीमीरेको अध्यक्षतामा भएको कार्यक्रममा विद्यालयका चार सय विद्यार्थीको स्वास्थ्य परिक्षण गरिएको प्रिन्सीपल दिपक कुमार गप्ताले जानकारी दिनु भयो । विशेषतः विद्यार्थीमा आँखा, कुपोषण, थाईराइड लगायतको समस्या देखीएको छ ।

लायन्स क्लव अफ नेपालगञ्ज एभरेष्टका सचिव पूर्णदेव गिरिद्धारा सञ्चालन गरिएको कार्यक्रममा पत्रकार शुक्रऋषि चौलागाई, कवी हिरालाल प्रसाई, डा किदवाई, डा रोमा बोहरा लगायतलाई सम्मान समेत गरिएको थियो ।

स्वास्थ्य परिक्षणमा सुमन गीरि, एङ्गीरा रेग्मी, अनिता थापा, श्रृष्टी श्रेष्ठ, संगम रावतले प्राविधिक सहयोग गर्नु भएको थियो ।

प्रकाशित मिति: बिहीबार, मंसिर १९, २०७६ १८:०३