बाँकेका चार वटा पालिका कोरोना विरुद्धको खोप लगाइँदै

स्वास्थ्य

गृहपृष्ठ
स्वास्थ्य
बाँकेका चार वटा पालिका कोरोना विरुद्धको खोप लगाइँदै

बाँकेका चार वटा पालिका कोरोना विरुद्धको खोप लगाइँदै

आइतबार, साउन १०, २०७८ बागेश्वरी पोस्ट

नेपालगन्ज । बाँकेका चार वटा पालिका आजदेखि कोरोना भाइरस विरुद्धको खोप लगाउन सुरु गरिएको छ ।

स्वास्थ्य कार्यालय बाँकेका अनुसार अहिले प्राप्त भेरोसेल खोप जिल्लामा दुई चरणमा लगाउने कार्यतालिका अनुसार नेपालगञ्ज उपमहानगरपालिका, कोहलपुर नगरपालिका, खजुरा र जानकी गाउँपालिकामा आजदेखि तीन दिनसम्म खोप लगाइनेछ । पहिलो चरणमा साउन ३ गतेदेखि ५ गतेसम्म चार वटा पालिकामा भेरोसेल खोपको पहिलो डोज लगाइएको थियो । पहिलो चरणमा बैजनाथ, डुडुवा, नरैनापुर र राप्तीसोनारी गाउँपालिकामा खोप लगाइएको थियो ।

५५ वर्ष र त्यस भन्दा माथिको उमेर समूहका पहिलो डोज लगाउन बाँकि नागरिक, प्राध्यापक, शिक्षक-कर्मचारी, सार्वजनिक यातायातका चालक-सहचालक, नेपाल सरकारले तोकेका अत्यावश्यक सेवामा संलग्न खोप लगाउन बाँकि ब्यक्तिहरुलाई खोप लगाइने स्वास्थ्य कार्यालय बाँकेले जनाएको छ ।

५५ वर्ष र त्यस भन्दा माथिको उमेर समूहका नागरिकले नागरिकता वा उमेर खुल्ने परिचयपत्र र शिक्षक-कर्मचारीको हकमा संस्थाले जारी गरेको परिचयपत्र लिएर खोप लगाउन जानुपर्नेछ । सबै वडाका स्वास्थ्य संस्थाहरुबाट खोप दिइनेछ ।

प्रकाशित मिति: आइतबार, साउन १०, २०७८ १४:२७

प्रतिक्रिया दिनुहोस्