बाँकेमा ४.९ प्रतिशतले कोभिड विरुद्धको दुबै डोज खोप लगाए

स्वास्थ्य

गृहपृष्ठ
स्वास्थ्य
बाँकेमा ४.९ प्रतिशतले कोभिड विरुद्धको दुबै डोज खोप लगाए

बाँकेमा ४.९ प्रतिशतले कोभिड विरुद्धको दुबै डोज खोप लगाए

पहिलो डोज लगाउने १४.३ प्रतिशत

बिहीबार, साउन १४, २०७८ बागेश्वरी पोस्ट

नेपालगञ्ज । बाँकेमा हालसम्म ४.९ प्रतिशतले कोभिड विरुद्धको दुबै डोज खोप लगाएका छन् । भारतको कोभिशिल्ड र चीनको भेरोसेल खोपको दुबै डोज लगाउनेको संख्या हालसम्म १८ हजार ७ सय ४ रहेको छ । दुबैको पहिलो डोज लगाउनेको संख्या भने ५४ हजार ४ सय ७५ रहेको छ । यो १४.३ प्रतिशत हो । बाँकेमा १८ बर्ष माथिको जनसंख्या ३ लाख ८० हजार छ ।

जिल्ला कोभिड व्यवस्थापन केन्द्र बाँकेका फोकल पर्सन तेज ओलीका अनुसार कोभिशिल्डको पहिलो डोज लगाएकाहरुको संख्या २० हजार ८ सय ७३ हुँदा दुबै डोज लगाउने भने १० हजार १ सय ६७ जना छन् । यस्तै भेरोसेल पहिलो डोज ३३ हजार ६ सय २ जनाले लगाएका छन् भने दुबै डोज लगाउनेको संख्या ८ हजार ५ सय ३७ छ ।

यो संख्यालाई खोप लगाउँदा हालसम्म कोभिशिल्ड ४१ हजार २ सय ७ डोज र भेरोसेल ५० हजार ६ सय ७६ डोज खर्च भएको छ ।

No description available.