उप-प्रमुख थापा मगर र प्रधानमन्त्री देउवाबीच भेटवार्ता

राजनीति

गृहपृष्ठ
राजनीति
उप-प्रमुख थापा मगर र प्रधानमन्त्री देउवाबीच भेटवार्ता

उप-प्रमुख थापा मगर र प्रधानमन्त्री देउवाबीच भेटवार्ता

सोमबार, साउन २५, २०७८ सौरभ गिरी

बालुवाटार, काठमाडौं । नेपालगन्ज उपमहानगरपालिका उप-प्रमुख उमा थापा मगरले आज प्रधानमन्त्री शेरबहादुर देउवासंग भेटघाट गर्नुभएको छ ।

आज प्रधानमन्त्री निवास बालुवाटार पुगी उप-प्रमुख थापा मगरले प्रधानमन्त्री शेरवहादुर देउवासंग भेटघाट गर्नुभएको हो ।भेटघाटमा उप-प्रमुख थापाले अहिलेको राजनीतिक अवस्था र नेपालगंज नगरका विभिन्न योजनाका वारेमा जानकारी गराउनुभएको थियो ।

उहाँले विेशेषगरी नेपालगंजको रिंगरोड, उपमहानगरपालिकाले संचालन गरेको छात्रा कलेज, भेरी अस्पताललाई मेडिकल कलेजमा स्तर उन्नति, अन्तर्राष्ट्रिय क्रिकेट मैदान, हालै बन्दै गरेको नाथम कलेज जाने वाटो कालोपत्रे र नगरका बाँकि रहेका भित्री सडक स्तर उन्नति लगायतका योजना समेट्नु पर्ने माग राख्नुभएको हो ।

त्यस क्रममा प्रधानमन्त्री देउवाले आफू पश्चिम नेपालको मुख्य ब्यापारिक केन्द्रको रुपमा चिनिएको बांके जिल्लाको नेपालगंजका योजनाको विषयमा गम्भीररुपमा लाग्ने वताउनुभएको छ ।

प्रकाशित मिति: सोमबार, साउन २५, २०७८ १४:५४

प्रतिक्रिया दिनुहोस्