बाँकेका ७ जनासहित ४४ जनामा कोरोना पुष्टि

स्वास्थ्य

गृहपृष्ठ
स्वास्थ्य
बाँकेका ७ जनासहित ४४ जनामा कोरोना पुष्टि

बाँकेका ७ जनासहित ४४ जनामा कोरोना पुष्टि

बर्दियाका मात्रै ३५ जना

मंगलबार, साउन २६, २०७८ बागेश्वरी पोस्ट

नेपालगन्ज । बाँकेका थप ७ जनामा कोरोना पुष्टि भएको छ । जुन जम्मा परिक्षणको १५.९ प्रतिशत हो । आज ८ जना डिष्चार्ज भएका छन् । यहाँका दुई वटा प्रयोगशालामा गरिएको बाहिरी जिल्लाका समेत गरी १७३ नमुना परिक्षणमा बाँकेका ७ जनासहित ४४ जनामा कोरोना पुष्टि भएको छ । यसमध्ये बर्दियाका मात्रै ३५ जना छन् । कोरोनाबाट थप मृत्यु भएको छैन ।

भेरी अस्पतालमा गरिएको परिक्षणमा ३७ जना र मेडिकलमा कलेज कोहलपुरमा ७ जनामा कोरोना संक्रमण पुष्टि भएको जिल्ला कोभिड १९ संकट व्यवस्थापन केन्द्रका फोकल पर्सन तेज ओलीले बताउनुभयो ।

हालसम्म बाँकेमा १७ हजार ७ सय ३२ जना संक्रमित भएका छन् । ती मध्ये १७ हजार ३ सय १ जना निको भई डिष्चार्ज भएका छन् । संक्रमित मध्ये ३ सय २३ जनाको मृत्यु भएको छ ।

जिल्लामा १४३ जना सक्रिय संक्रमित रहँदा ३४ जना अस्पताल र आइसोलेसनमा छन् भने १३१ जना होम आइसोलेसनमा छन् ।

प्रकाशित मिति: मंगलबार, साउन २६, २०७८ १४:५६

प्रतिक्रिया दिनुहोस्