देउवा प्रधानमन्त्री भएको ५ हप्तामै ४८ लाखले लगाए कोरोना खोप

स्वास्थ्य

गृहपृष्ठ
स्वास्थ्य
देउवा प्रधानमन्त्री भएको ५ हप्तामै ४८ लाखले लगाए कोरोना खोप

देउवा प्रधानमन्त्री भएको ५ हप्तामै ४८ लाखले लगाए कोरोना खोप

शनिबार, भदौ ५, २०७८ बागेश्वरी पोस्ट

नेपालगन्ज । ४८ लाखभन्दा बढिले प्रधानमन्त्री शेरबहादुर देउवा प्रधानमन्त्री भएयताको पाँच हप्तामा कोरोनो विरुद्धको खोप लगाएका छन्।

कांग्रेस सभापति देउवा प्रधानमन्त्री भएलगत्तै आफ्नो पहिलो प्राथमिकता नै जनतालाई निशुल्क खोप दिलाउने घोषणा गरेका थिए । उनी प्रधानमन्त्री भएयता गत विहीबारसम्ममा ४८ लाख ११ हजार ७ सय ३३ जनाले कोरोनाविरुद्धको खोप लगाएका छन् ।

त्यस अघि झण्डै ३६ लाखले मात्रै कोराना विरुद्धको खोप लगाएका थिए भने अहिले खोप लगाउने संख्या ८५ लाख २० हजार ४ सय २१ पुगेको प्रधानमन्त्रीको निजी सचिवालयले जनाएको छ ।

त्यसमध्ये ३७ लाख ८ हजार ६ सय ८८ जनाले कोरोनाको दुवै डोज खोप लगाएका छन । त्यस्तै ३७ लाख ८ हजार ६ सय ८८ जनाले पहिलो डोज लगाएका छन् । अहिले कोरोनाको दुवै डोज खोप लगाउने जनसंख्या १३ प्रतिशत पुगेको पुगेको छ भने पहिलो डोज लगाउने १६ दशमलव ८ प्रतिशत छन् ।

देउवा प्रधानमन्त्री हुनुभन्दा अघि दुवै डोज खोप लगाउनेको संख्या ३ दशमल ९ प्रतिशत मात्रै थियो भने पहिलो डोज खोप लगाउनेको संख्या ९ दशमलव १ प्रतिशत मात्रै थिए । पछिल्लो पाँच हप्तामा कोरोनाको खोप लगाउनेको संख्या झण्डै दोब्बर पुगेको छ ।

सरकारले असोज मसान्तसम्ममा ३३ प्रतिशत जनतालाई कोरोनाविरुद्धको खोप निशुल्क लगाउने घोषणा गरेको छ । चैत मसान्तसम्म खोप लगाउने सबै जनतालाई निशुल्क खोप दिलाउने प्रधानमन्त्री देउवाको तयारी छ ।

प्रकाशित मिति: शनिबार, भदौ ५, २०७८ १३:१६

प्रतिक्रिया दिनुहोस्