बाँकेमा भेरोसेल खोपको दोस्रो डोज लगाउन शुरु

स्वास्थ्य

गृहपृष्ठ
स्वास्थ्य
बाँकेमा भेरोसेल खोपको दोस्रो डोज लगाउन शुरु

बाँकेमा भेरोसेल खोपको दोस्रो डोज लगाउन शुरु

सोमबार, भदौ ७, २०७८ बागेश्वरी पोस्ट

नेपालगञ्ज । बाँकेमा आजदेखि भेरोसेल खोपको दोस्रो डोज खोप लगाउन शुरु गरिएको छ । कोभिड विरुद्धको चिनियाँ भेरोसेल खोपको दोस्रो डोज जिल्लाका ८१ वटै वडाका स्वास्थ्य संस्थाबाट लगाइँदैछ ।

गत साउन ३ देखि १२ गतेसम्म खोप लगाएकालाई भदौ ७ र ८ गते दोस्रो डोज लगाउने कार्यक्रम अन्तर्गत् खोप लगाइरहेको स्वास्थ्य कार्यालय बाँकेले जनाएको छ । यो अवधिमा ५५ वर्ष र त्यस भन्दा माथिको उमेर समूहका पहिलो डोज लगाउन बाँकि नागरिक, प्राध्यापक, शिक्षक-कर्मचारी, सार्वजनिक यातायातका चालक-सहचालक, नेपाल सरकारले तोकेका अत्यावश्यक सेवामा संलग्न खोप लगाउन बाँकि ब्यक्तिहरुलाई पहिलो मात्रा खोप लगाइएको थियो ।

पहिलो मात्रा खोप लगाएको स्थानमा खोप कार्ड लिएर गएमा दोस्रो डोज खोप लगाउन पाइन्छ । बाँकेमा हालसम्म ५४ हजार ४ सय ७५ जनाले पहिलो मात्रा र २९ हजार ७ जनाले पूर्ण मात्रा खोप लगाएका छन् ।

प्रकाशित मिति: सोमबार, भदौ ७, २०७८ १२:२४

प्रतिक्रिया दिनुहोस्