नेपालगन्जमा सुरु भयो लाइफ लाइन अस्पताल

स्वास्थ्य

गृहपृष्ठ
स्वास्थ्य
नेपालगन्जमा सुरु भयो लाइफ लाइन अस्पताल

नेपालगन्जमा सुरु भयो लाइफ लाइन अस्पताल

हरेक शनिवार नि:शुल्क स्वास्थ्य सेवा र औषधि

शनिबार, असोज २, २०७८ बागेश्वरी पोस्ट

नेपालगन्ज । नेपालगन्जमा लाइफ लाइन जनरल अस्पताल संचालनमा आएको छ । अस्पतालको आज नेपालगन्ज उपमहानगरपालिकाका मेयर डा. धवल शमशेर राणा र वरिष्ठ चिकित्सक डा. गोपाल श्रेष्ठले उद्घाटन गर्नुभयो ।

उद्घाटन कार्यक्रममा मेयर राणाले गुणस्तरीय स्वास्थ्य सेवा प्रवाहका लागि अस्पतालले कुनै कसर बाँकि नराख्ने विश्वास ब्यक्त गर्नुभयो । आर्थिक अभावका कारण नगरवासी गुणस्तरीय स्वास्थ्य सेवाबाट बन्चित नहुन् भन्ने उद्देश्यका अस्पतालसंग उपमहानगरपालिकाले सहकार्य गरेको राणाले बताउनुभयो । उहाँले नेपालगन्जमा उपलब्ध चिकित्सक, अस्पताल र स्वास्थ्य सेवाका बारेमा कर्णाली र सुदुरपश्चिमका पहाडी क्षेत्रमा प्रचारप्रसार गर्ने नीति लिएर उपमहानगरले बजेट छुट्ट्याएको जानकारी दिनुभयो । वरिष्ठ चिकित्सक डा.गोपाल श्रेष्ठले अस्पतालले सस्तो र स्तरीय सेवा दिन सकोस् भन्ने शुभकामना ब्यक्त गर्नुभयो ।

भेरी अस्पताल नेपालगन्जका मेडिकल सुपरिटेन्डेन्ट डा. प्रकाश थापाले सर्वसुलभ र गुणस्तरीय स्वास्थ्य सेवा प्रदान गर्ने साझा उद्देश्यका साथ सबैले हातेमालो गर्न जरुरी रहेको बताउनुभयो । उहाँले नेपालगन्जलाई मेडिकल टुरिजमका रुपमा विकास गर्न सकिने बताउनुभयो । लाइफलाइन अस्पतालका अजित कुमार शर्माले स्वागत मन्तब्य ब्यक्त गर्नुभएको कार्यक्रममा अस्पतालका संचालक डा.पारस श्रेष्ठले अस्पतालले प्रदान गर्ने सेवाबारे जानकारी गराउनुभएको थियो ।

भेरी अस्पतालका डायलिसिस युनिट इन्चार्ज डा.श्रेष्ठ, सुशील कोइराला प्रखर क्यान्सर अस्पताल नेपालगन्जका विभागीय प्रमुख-कन्सल्टेन्ट फिजिसियन डा.कृष्टिन श्रेष्ठ र गणपति डेन्टल क्लिनिकका डेन्टल सर्जन डा.प्रतिक श्रेष्ठले सेवा प्रदान गर्ने अस्पतालमा प्रत्येक शनिबार विहान १० बजेदेखि दिउँसो १ बजेसम्म नि:शुल्क स्वास्थ्य परिक्षण तथा परामर्श सेवा उपलब्ध हुनेछ । नेपालगन्ज उपमहानगरपालिकासंग सहकार्य गरेर लाइफलाइन अस्पतालले संचालन गर्ने यो सेवामा नि:शुल्क औषधि वितरण गरिनेछ । भेरी अस्पताल रोडमा सरस्वती स्कुलको विपरित पूर्व लाइनमा यो अस्पताल रहेको छ ।

प्रकाशित मिति: शनिबार, असोज २, २०७८ १४:१०

प्रतिक्रिया दिनुहोस्