छैन नेपालगञ्ज मेडिकल कलेजको आन्दोलन टुंगिने छाँट

स्वास्थ्य

गृहपृष्ठ
स्वास्थ्य
छैन नेपालगञ्ज मेडिकल कलेजको आन्दोलन टुंगिने छाँट

छैन नेपालगञ्ज मेडिकल कलेजको आन्दोलन टुंगिने छाँट

बिहीबार, कात्तिक ४, २०७८ बागेश्वरी पोस्ट

नेपालगञ्ज । नेपालगञ्ज मेडिकल कलेज शिक्षण अस्पतालको आन्दोलन टुंगिने छाँट देखिएको छैन । तलब, भत्ता वृद्धि लगायत विभिन्न माग राखेर आन्दोलित कर्मचारीका माग पूरा गर्न नसकिने अडानमै व्यवस्थापन पक्ष देखिएपछि आन्दोलन टुंगिने छाँट नदेखिएको हो ।

कर्मचारीले कार्तिक २ गतेदेखि थालेको आन्दोलनका कारण अस्पतालको सेवा प्रभावित भएको छ । बुधबारदेखि कर्मचारीले ओपिडी समेत बन्द गराएर आन्दोलन चर्काएका छन् । तर, ब्यवस्थापन पक्षले भने कर्मचारीका माग पूरा गर्न नसकिने बताएको छ । प्रबन्ध निर्देशक डा. सुरेशकुमार कनोडियाले घाटामा चलिरहेको अवस्थामा तत्काल कर्मचारीले उठाएको माग सम्बोधन गर्न नसकिने बताएका छन् । आज पत्रकार सम्मेलन गरेर उनले अधिकार खोजेर मात्र नहुने भन्दै संस्थाको अवस्था पनि हेर्नुपर्नेमा जोड दिए ।

आन्दोलन परिचालन समितिका संयोजक यम बहादुर खड्काले भने कर्मचारीका माग पूरा नभएसम्म आन्दोलन फिर्ता नहुने बताएका छन् । उनले इमर्जेन्सी बाहेक सबै सेवा ठप्प पारेर कर्मचारी आन्दोलनमा उत्रेको बताए । कर्मचारीहरुले पनि कार्तिक १ गते पत्रकार सम्मेलन गरेर आन्दोलनको घोषणा गरेका थिए ।

प्रकाशित मिति: बिहीबार, कात्तिक ४, २०७८ १५:४२

प्रतिक्रिया दिनुहोस्