बाँकेमा बढ्यो कोरोना संक्रमण

स्वास्थ्य

गृहपृष्ठ
स्वास्थ्य
बाँकेमा बढ्यो कोरोना संक्रमण

बाँकेमा बढ्यो कोरोना संक्रमण

मंगलबार, कात्तिक ९, २०७८ बागेश्वरी पोस्ट

नेपालगन्ज । बाँकेका प्रयोगशालामा थप १९ जनामा कोरोना पुष्टि भएको छ । ४ जना डिष्चार्ज भएका छन् ।

यहाँका दुई वटा प्रयोगशालामा गरिएको बाहिरी जिल्लाका समेत गरी १४८ नमुना परिक्षणमा बाँकेका १४ जनासहित १९ जनामा कोरोना पुष्टि भएको छ । बाँकेका १४ जनामध्ये नेपालगञ्जका ८ जना छन् । कोरोनाबाट थप एक जनाको मृत्यु भएको छ । यसअघि बाँकेमा गत मंगलबार ५ जना, बुधबार ४ जना, विहिबार ५ जना, शुक्रबार ६ जना, शनिवार ५ जना, आइतबार १ जना र सोमबार २ जनामा कोरोना पुष्टि भएको थियो । आजको संक्रमण एक साता यताकै उच्च हो ।

भेरी अस्पतालमा १२८ स्वाब परिक्षण गरिएकोमा १९ जनामा कोरोना पुष्टि भएको छ भने बागेश्वरीमा ल्याबमा २० नमुना जाँच्दा कसैमा पनि कोरोना संक्रमण पुष्टि नभएको जिल्ला कोभिड संकट व्यवस्थापन केन्द्रका फोकल पर्सन तेज ओलीले बताए । हालसम्म बाँकेमा १८ हजार ३ सय ८३ जना संक्रमित भएका छन् । ती मध्ये १७ हजार ९ सय ९७ जना निको भई डिष्चार्ज भएका छन् । संक्रमित मध्ये ३ सय ३८ जनाको मृत्यु भएको छ । जिल्लामा ५१ जना सक्रिय संक्रमित रहँदा १९ जना अस्पताल र आइसोलेसनमा छन् भने ४७ जना होम आइसोलेसनमा छन् ।

प्रकाशित मिति: मंगलबार, कात्तिक ९, २०७८ १५:५२

प्रतिक्रिया दिनुहोस्