हाजिर हुन नगएर मन्त्रालयमा चलखेल ! शक्तिको दुरुपयोग गरेको आरोप

स्वास्थ्य

गृहपृष्ठ
स्वास्थ्य
हाजिर हुन नगएर मन्त्रालयमा चलखेल ! शक्तिको दुरुपयोग गरेको आरोप

हाजिर हुन नगएर मन्त्रालयमा चलखेल ! शक्तिको दुरुपयोग गरेको आरोप

शुक्रबार, पुस १६, २०७८ बागेश्वरी पोस्ट

औषधि व्यवस्था विभागका तत्कालीन महानिर्देशक भरत भट्टराई

काठमाडौँ । औषधि व्यवस्था विभागका तत्कालीन महानिर्देशक भरत भट्टराईले सरुवा भएको ठाउँमा नपुगी मन्त्रालयमा नै चलखेल गरिरहेको पाइएको छ । तत्कालीन प्रधानमन्त्री केपी शर्मा ओलीका पालामा तत्कालीन स्वास्थ्यमन्त्री भानुभक्त ढकालले नियुक्त गरेका भट्टराईको राष्ट्रिय औषधि प्रयोगशालामा सरुवा भएको थियो ।

तर उनी सरुवा भएको स्थानमा नगई पुरानै ठाउँमा रहन चलखेल गर्दै आएको पाइएको छ । भट्टराईको त्यहाँ सरुवा भएको तीन महिना बढी भइसकेको छ । मन्त्रालय स्रोतले भन्यो, “उहाँको सरुवा भएको महिनौँ भइसक्यो । तर उहाँ यही मन्त्रीको वरिपरीमात्रै रहेको देखिनुहुन्छ । उहाँ काममा गएको पाइँदैन ।”

भट्टराईले मन्त्रालयबाटै ८८ दिनको बिदा स्वीकृत गराएका छन् । ताकि कार्यालय प्रमुखले बिदा लिँदा पूर्व स्वीकृत गराउनुपर्ने भएपनि त्यो पनि नपाइएको मन्त्रालय स्रोतले जानकारी दिएको छ । ऐनअनुसार ६० दिन जानकारी नगराई कार्यालयमा अनुपस्थित रहेमा बर्खास्त हुने व्यवस्था छ ।

तर उनी सरुवा भएको स्थानमा तीन महिना बितिसक्दा पनि पुगेका छैनन् । मन्त्रालयकै एक अधिकारीले भने, “उहाँ पहिले नेकपा एमाले निकट हुनुहुन्थ्यो, अहिले फेरि उहाँ समाजवादीमा जाने तयारीमा हुनुहुँदो रहेछ । पार्टीको लाइन मिलाएर उहाँ चलखेल गर्ने अभियानमा देखिनुहुन्छ ।”

ती अधिकारीका अनुसार तत्कालीन मन्त्री ढकालले कानुनविपरीत करिब पाँच वर्षभन्दा बढी सिनियर रहेका व्यक्तिलाई हटाएर भट्टराईलाई राखेका थिए । तर स्वास्थ्य मन्त्रालयको समेत जिम्मेवारीमा रहेका बेला शेरबहादुर देउवाले त्यसलाई खारेज गरेपछि भट्टराई अहिले फेरि चलखेलमा लागेको बुझिएको छ ।

“उहाँ सरुवा भएको ठाउँमा एकपल्ट पनि पुग्नुभएको छैन,” मन्त्री निकट एक अधिकारीले भने, “उहाँ मन्त्रालयमै धाइरहनुभएको छ । पार्टीको साधारण सदस्यता लिएर फेरि चलखेल गर्ने अभियानमा रहेको हामीले पाएका छौँ ।”

आफु महानिर्देशक हुदाँ पटके सिफारिस र बीरगंजस्थित एक मारवाड़ी समुदायका ब्यापरीको गुणस्तरहिन भारतीय औषधि कम्पनीलाई चोरबाटोबाट आयात बाटो खोलेर ठुलो धनराशी कुम्लायका भट्टराईले सोहि रकम मध्येबाट २ करोड दिन तयार छु मलाई पुन: औषधि ब्यबस्था विभागमा पदस्थापन गरिनिनु प¥यो भनेर शक्ति केन्द्रका ढोका चाहर्न जानलाई बिदा स्वीकृत गराएको श्रोतले जानकारी गराएको छ ।

प्रकाशित मिति: शुक्रबार, पुस १६, २०७८ ०७:०९

प्रतिक्रिया दिनुहोस्