नयाँ दिल्लमा कोरोनाको ओमिक्रोन भेरियन्ट समुदायमै फैलियो

स्वास्थ्य

गृहपृष्ठ
स्वास्थ्य
नयाँ दिल्लमा कोरोनाको ओमिक्रोन भेरियन्ट समुदायमै फैलियो

नयाँ दिल्लमा कोरोनाको ओमिक्रोन भेरियन्ट समुदायमै फैलियो

शुक्रबार, पुस १६, २०७८ बागेश्वरी पोस्ट

नेपालगन्ज । भारतको राजधानी नयाँ दिल्लमा कोरोना भाइरसको घातक मानिएको ओमिक्रोन भेरियन्ट समुदाय स्तरमै पुगेको छ। दिल्ली सरकारका स्वास्थ्यमन्त्री सत्यन्द्र जैनले नयाँ दिल्लीमा ओमिक्रोन भेरियन्ट समुदाय स्तरमै पुगेको बताएका छन् । उनले यहाँ पछिल्ला समयमा फैलिएको कोरोना संक्रमणका ४० प्रतिशत भन्दा बढी संक्रमितहरु त ओमिक्रोनकै भएको बताए ।

उनले भने–"अनुसन्धानबाट यो देखिएको छ कि त्यहाँका संक्रमितहरुमा ओमिक्रोनको संक्रमण बढी देखिएको छ । त्यस्तो संक्रमण बाहिरबाट आएका मानिस र दिल्लीमै रहेकामा नै देखिएको छ । त्यसैले यो भेरियन्ट समुदायसम्म नै पुगेको पाइएको छ । कतै पनि नगएका नागरिकमा यस्तो संक्रमण पाइएको छ, अनि यस्तो अवस्थामा हामीले निकालेको निष्कर्ष यो हो कि यहाँका समुदायस्तरकै नागरिकसम्म नै यसको संक्रमण पुगेको छ "।

"भारतमा ओमिक्रोनको संक्रमण भित्रिएको धेरै भएको छैन, तर त्यहाँका नागरिकमा निकै तिब्र गतिमा यो फैलिएको छ," उनले भनेका छन् । सिन्ह्वा

प्रकाशित मिति: शुक्रबार, पुस १६, २०७८ १२:२५

प्रतिक्रिया दिनुहोस्