जनस्वास्थ्य निरीक्षक बस्नेत, वली र खत्रीको अनुरोधमा बर्नावलले दिए घाइतेलाई बी नेगेटिभ रगत

स्वास्थ्य

गृहपृष्ठ
स्वास्थ्य
जनस्वास्थ्य निरीक्षक बस्नेत, वली र खत्रीको अनुरोधमा बर्नावलले दिए घाइतेलाई बी नेगेटिभ रगत

जनस्वास्थ्य निरीक्षक बस्नेत, वली र खत्रीको अनुरोधमा बर्नावलले दिए घाइतेलाई बी नेगेटिभ रगत

शुक्रबार, पुस १६, २०७८ बागेश्वरी पोस्ट

नेपालगन्ज । दुर्घटनामा परेकी महिलाको उपचारका लागि नेपालगन्ज उपमहानगरपालिकाका एक जना स्वास्थ्यकर्मीले रगतदान गरेका छन् । रुखबाट लडेर हात पूरै क्षतबिक्षत अवस्थामा रहेकी कपुरकोट गाउँपलिका ६ सल्यानकी घाइते रोहिनी महतराको उपचारका लागि नेपालगञ्ज उपमहानगरपालिकाका अन्तर्गत वडा नम्बर १३ का कोरोना फोकल पर्सन राजवीर बर्नवालले रगतदान गरेका हुन् ।

पुष ८ गते रुखबाट खसेर घाइते भएकी महतरालाई ९ गते छोरा उमेशले नेपालगञ्ज मेडिकल कलेज शिक्षण अस्पताल नेपालगञ्जमा उपचारका लागि ल्याएका थिए। ८ गते नै तुलसीपुर सिटी अस्पतालमा उपचार पश्चात ९ गते नेपालगञ्ज ल्याइएको छोरा उमेशले बताए । हातको अवस्था नाजुक भएर रक्तस्राव हुँदा अहिलेसम्म ९ पिन्ट रगत दिएको उनले बताए ।

आज पनि नेपालगन्ज उपमहानगरपालिकाका जनस्वास्थ्य निरीक्षक जागेश्वर बस्नेत, बाँकेका कोरोना फोकल पर्सन तेज वली र नेपालगन्ज मेडिकल कलेज नेपालगन्जमा कार्यरत एसी वार्ड इन्चार्ज पुष्पा खत्रीको अनुरोधमा फोकल पर्सन बर्नवालले रगत दिएका हुन् । जनस्वास्थ्य निरीक्षक बस्नेतले अस्पतालमा लाग्ने अन्य खर्चको लागि सहयोग गर्ने पनि बताए । "रगतको अभावले कसैको ज्यान नजाओस भन्ने उद्देश्यका साथ मैले सहयोग गर्न लगाएको हुँ," बस्नेतले भने । नेपालगञ्ज १३ का फोकल पर्सन बर्नवालले पनि यसअघि अरुलाई बी नेगेटिभ रगत दिइसकेका छन् ।

प्रकाशित मिति: शुक्रबार, पुस १६, २०७८ २०:१७

प्रतिक्रिया दिनुहोस्