शिक्षक र विद्यार्थीमा कोरोना देखिएपछि विद्यालय बन्द

स्वास्थ्य

गृहपृष्ठ
स्वास्थ्य
शिक्षक र विद्यार्थीमा कोरोना देखिएपछि विद्यालय बन्द

शिक्षक र विद्यार्थीमा कोरोना देखिएपछि विद्यालय बन्द

बुधबार, पुस २१, २०७८ बागेश्वरी पोस्ट

नेपालगञ्ज । शिक्षक र विद्यार्थीमा कोरोना भाइरस संक्रमण देखिएपछि दाङमा एक विद्यालय बन्द गरिएको छ । कोरोना पुष्टि भएपछि तुलसीपुर उपमहागरनपालिका वडा नम्बर ८ को आश्वरा माध्यमिक विद्यालयमा पठनपाठन बन्द गरिएको हो ।

एन्टिजेन परीक्षण गर्दा विद्यालयका ६ शिक्षक र ६ जना विद्यार्थी गरी १२ जनामा कोरोना भाइरस संक्रमण पुष्टि भएको तुल्सीपुर उपमहानगरपालिकाका कोभिड फोकल पर्सन विमल केसीले जानकारी दिए । कोरोना संक्रमणको लक्षण देखिएपछि उनीहरुको मेट्रो अस्पतालमा एन्टिजेन परीक्षण गरिएको थियो ।

मंगलबारदेखि पाँच दिनसम्म विद्यालयको पठनपाठन बन्द गरिएको उपमहानगरपालिका शिक्षा शाखा प्रमुख चक्र भण्डारीले बताए ।

त्यस्तै तुल्सीपुर उपमहानगरपालिका–६ स्थित राप्ती बाल एकेडेमीका दुई विद्यार्थीमा पनि एन्टिजेन परीक्षण गर्दा कोरोना संक्रमण पुष्टि भएको छ ।

संक्रमित सबैको अवस्था सामान्य रहेको उनले बताए ।

प्रकाशित मिति: बुधबार, पुस २१, २०७८ १३:२३

प्रतिक्रिया दिनुहोस्