नेपालगञ्ज नाकामा अहिलेसम्मकै उच्च संख्यामा कोभिड पुष्टि, एकै दिन ४७ जना भेटिए

स्वास्थ्य

गृहपृष्ठ
स्वास्थ्य
नेपालगञ्ज नाकामा अहिलेसम्मकै उच्च संख्यामा कोभिड पुष्टि, एकै दिन ४७ जना भेटिए

नेपालगञ्ज नाकामा अहिलेसम्मकै उच्च संख्यामा कोभिड पुष्टि, एकै दिन ४७ जना भेटिए

बिहीबार, पुस २९, २०७८ बागेश्वरी पोस्ट

नेपालगञ्ज । नेपालगञ्जको जमुनाहा नाकामा अहिलेसम्मकै उच्च संख्यामा कोभिड पुष्टि भएको छ । पुस १९ गते यता बढ्दै गएको कोभिड संक्रमण आज अहिलेसम्मकै उच्च संख्यामा देखिएको हो । पुस १९ अघि शून्य हुने गरेको संख्या पछिल्ला दिनमा बढ्ने क्रममा छ । भारतबाट नेपाल भित्रिएका ३२९ जना मध्ये आज ४७ जनामा कोरोना पुष्टि भएको छ । हिजो २७ जनामा कोरोना पुष्टि भएको थियो ।

जिल्ला कोभिड संकट व्यवस्थापन केन्द्र बाँकेका फोकल पर्सन तेज वलीका अनुसार जमुनाहा नाकामा ३२९ जनाको कोभिड एन्टिजिन परिक्षण गर्दा ३८ जना पुरुष र ९ जना महिलासहित ४७ जनामा कोरोना पुष्टि भएको छ ।

यसअघि नाकामा चेकजाँचका क्रममा संक्रमितको संख्या शून्य हुने गरेकोमा पुस १९ गते ९ जना, पुस २० गते ४ जना, पुस २१ गते ५ जना, पुस २२ गते २३ जना, पुस २३ गते २६ जना, पुस २४ गते ४६ जना, पुस २५ गते ३९ जना, पुस २६ गते ३७ जना र २७ गते ३७ र २८ गते २७ जनामा संक्रमण देखिएको थियो ।

प्रकाशित मिति: बिहीबार, पुस २९, २०७८ १५:३२

प्रतिक्रिया दिनुहोस्