नेपालगन्जमा खुल्यो न्युरो अस्पताल

स्वास्थ्य

गृहपृष्ठ
स्वास्थ्य
नेपालगन्जमा खुल्यो न्युरो अस्पताल

नेपालगन्जमा खुल्यो न्युरो अस्पताल

आइतबार, माघ २, २०७८ बागेश्वरी पोस्ट

नेपालगन्ज । पश्चिम नेपालकै एक मात्र ठुलो शहर नेपालगन्जमा न्युरो उपचारका लागि पहिलो अस्पताल खुलेको छ । न्युरो सर्जन डा. जोशन न्यौपानेको नेतृत्वमा औद्योगिक क्षेत्र अगाडि नेपालगन्ज न्युरो ट्रमा एन्ड मल्टि इस्पेसियालिटी सेन्टर ( Nepalgunj Neuro Traumaa & Multispecilaity Center) भोलिदेखि सुरु हुने भएको छ ।

भोलिदेखि सन्चालनमा आउँदै गरेको नेपालगन्ज न्युरो ट्रमा एन्ड मल्टि इस्पेसियालिटी सेन्टरमा मस्तिष्क, नशा तथा मेरुदण्डका समस्या सम्बन्धि सम्पुर्ण उपचार गरिने उक्त अस्पतालमा कार्यरत फार्मासिस्ट दिनेश बिष्टले बताए । त्यस्तै उक्त सेन्टरमा फिजिसियन सेवा, यौन तथा छाला रोग लगायतका अन्य उपचार समेत गरिने बिष्टले जानकारी दिएका छन् ।

फिजिसियन सेवा अन्तर्गत छाती, मुटु, कलेजो, फोक्सो, पेट, प्रेसर, सुगर, थाइराइड, युरिकएसिड लगायतका उपचार हुनेछन् भने छाला रोगतर्फ कुस्ठरोग, यौन तथा सौन्दर्य सम्बन्धि रोगका उपचार गरिने फार्मासिस्ट बिष्टले जानकारी दिए । भोलि सन्चालनमा आउने उक्त न्युरो ट्रमा एन्ड मल्टि इस्पेसियालिटी सेन्टरमा डा. न्यौपानेसहित फिजिसियन डा. शंकर केसी र छाला तथा यौन रोग विशेषज्ञ डा.अनिशा उप्रेतीको टिमले बिरामीलाई सेवा प्रदान गर्नेछ ।

लामो समयसम्म अन्नपूर्ण न्युरो अस्पताल काठमाडौंमा आबद्ध भएका डा. न्यौपाने नेपालगन्ज मेडिकल कलेज नेपालगन्जका न्युरो सर्जन हुन् भने डा. केसी नेपालगन्ज मेडिकल कलेज नेपालगन्जका फिजिसियन हुन् । डा. उप्रेती भेरी अस्पतालकी छाला तथा यौन रोग विशेषज्ञ हुन् ।