पीसीआर परीक्षण शुल्क घटाउने सरकारको तयारी

स्वास्थ्य

गृहपृष्ठ
स्वास्थ्य
पीसीआर परीक्षण शुल्क घटाउने सरकारको तयारी

पीसीआर परीक्षण शुल्क घटाउने सरकारको तयारी

बुधबार, माघ ५, २०७८ बागेश्वरी पोस्ट

नेपालगञ्ज । सरकारले पीसीआर परीक्षण शुल्क घटाउने तयारी गरेको छ । परीक्षण निःशुल्क गर्न माग भइरहेको बेला सरकारले शुल्क घटाउने तयारी गरेको हो । स्वास्थ्य मन्त्रालयका सचिव डा. रोशन पोखरेलले आजभोलिसम्म शुल्क घटाउने निर्णय हुने बताए ।

अहिले सरकारी अस्पतालमा एक हजार र निजीमा दुई हजार रुपैयाँमा पीसीआर परीक्षण हुँदै आएको छ । शुल्क महँगो भएकै कारण धेरैले लक्षण देखिए पनि परीक्षण गर्ने गरेका छैनन् । तर, सरकारी अस्पतालमा पीसीआर परीक्षण निःशुल्क हुने भएकाले लक्षण देखिने बित्तिकै नजिकको सरकारी अस्पताल जान सचिव पोखरेलको सुझाव छ ।

पीसीआर परीक्षणको सुविधा भएका अस्पतालमा ओपीडीको टिकट काटेर निःशुल्क परीक्षणको सेवा लिन सकिने उनले बताए । विदेश जाने या अरु कामले परीक्षण गराउनेहरुलाई मात्र सरकारी अस्पतालमा एक हजार शुल्क लाग्ने, तर, लक्षण भएका बिरामीको भने निःशुल्क पीसीआर परीक्षण हुने डाक्टर पोखरेलको भनाई छ ।

प्रकाशित मिति: बुधबार, माघ ५, २०७८ १०:०४

प्रतिक्रिया दिनुहोस्