नेपालमा एकै दिनमा १२३३८ जनामा कोरोना संक्रमण पुष्टि

स्वास्थ्य

गृहपृष्ठ
स्वास्थ्य
नेपालमा एकै दिनमा १२३३८ जनामा कोरोना संक्रमण पुष्टि

नेपालमा एकै दिनमा १२३३८ जनामा कोरोना संक्रमण पुष्टि

बिहीबार, माघ ६, २०७८ बागेश्वरी पोस्ट

नेपालगञ्ज । नेपालमा थप १२ हजार ३३८ जनामा कोरोना भाइरस संक्रमण पुष्टि भएको छ । यो एकै दिनमा पुष्टि भएको हालसम्मकै सबभन्दा धेरै संक्रिमत संख्या हो ।

स्वास्थ्य तथा जनसंख्या मन्त्रालयका अनुसार २१ हजार ७ जनाको पीसीआर टेष्ट गर्दा १० हजार ५२ तथा ६ हजार ४९० नमुनाको एन्टीजेन टेष्ट गर्दा २ हजार २८६ जना गरी १२ हजार ३३८ जनामा कोरोना संक्रमण पुष्टि भएको हो ।

यस्तै पछिल्लो २४ घण्टामा ४ जनाको मृत्‍यु भएको छ भने ६४९ जना निको भएका छन् । बिहीबार थपिएसँगै नेपालमा कोरोना संक्रमितको कुल संख्या ९ लाख ९५ हजार ८८८ पुगेको छ ।

मन्त्रालयका अनुसार हाल देशभर सक्रिय संक्रमितको संख्या ५७ हजार ३२८ जना रहेका छन् । जसमध्ये ५५ हजार ८३६ जना होम आइसोलेसनमा रहेका छन् भने १ हजार ४९२ जना संस्थागत आइसोलेसनमा रहेका छन् । कोरोनाका बिरामीमध्ये १८६ जना आइसीयू र २७ जना भेन्टिलेटरमा उपचाररत छन् ।

प्रकाशित मिति: बिहीबार, माघ ६, २०७८ १८:०१

प्रतिक्रिया दिनुहोस्