बाँकेमा ८३ जनाको कोरोना पिसिआर 'पोजिटिभ'

स्वास्थ्य

गृहपृष्ठ
स्वास्थ्य
बाँकेमा ८३ जनाको कोरोना पिसिआर 'पोजिटिभ'

बाँकेमा ८३ जनाको कोरोना पिसिआर 'पोजिटिभ'

अस्पताल भर्ना हुने बढे, ४० जना उपचाररत

शनिबार, माघ ८, २०७८ बागेश्वरी पोस्ट

नेपालगञ्ज । बाँकेमा आज ८३ जनामा कोरोना संक्रमण पुष्टि भएको छ । जुन जम्मा परीक्षणको ६६.४० प्रतिशत हो । भेरी अस्पतालको पिसिआर ल्याबमा ५२ जना र कोहलपुर मेडिकल कलेजको ल्याबमा ३१ जनामा कोरोना पुष्टि भएको छ । यी मध्ये बाँकेका ६२ जना छन् ।

पछिल्लो २४ घण्टामा भेरीमा ७७ जना र मेडिकल कलेज कोहलपुर ल्याबमा ४८ जना गरी कुल १२५ स्वाब परीक्षण गरिएको छ । बाँकेमा आज २५ जना निको भएका छन् । जिल्ला कोभिड संकट व्यवस्थापन केन्द्र बाँकेका फोकल पर्सन तेज वलीका अनुसार अस्पताल भर्ना हुनेको संख्या बढेको छ । ४० जना अस्पताल र आइसोलेसनमा उपचाररत छन् । ती मध्ये ३७ जनाको अवस्था मध्यम छ भने २ जना सिकिस्त र १ जना भेन्टिलेटरमा छन् ।

यस्तै जमुनाहा नाकामा ३३५ जनाको एन्टिजेन परीक्षण गर्दा भारतबाट आएका थप ३२ जनामा कोरोना पुष्टि भएको फोकल पर्सन वलीले बताए ।

प्रकाशित मिति: शनिबार, माघ ८, २०७८ १५:२४

प्रतिक्रिया दिनुहोस्