जमुनाह नाकामा वितरण गर्न ३००० मास्क सहयोग

स्वास्थ्य

गृहपृष्ठ
स्वास्थ्य
जमुनाह नाकामा वितरण गर्न ३००० मास्क सहयोग

जमुनाह नाकामा वितरण गर्न ३००० मास्क सहयोग

बागेश्वरीपोस्टको पहलमा देउती सर्जिकल हाउसद्वारा बाँके प्रहरीलाई मास्क सहयोग

आइतबार, माघ ९, २०७८ बागेश्वरी पोस्ट

नेपालगञ्ज । नेपालगञ्जस्थित नेपाल भारत सीमा नाका जमुनाहमा आउजाउ गर्ने यात्रुहरुलाई वितरण गर्न मास्क सहयोग गरिएको छ । बागेश्वरीपोस्टको पहलमा नेपालगञ्जको देउती सर्जिकल हाउसले मास्क सहयोग गरेको हो ।

३००० पिस मास्क वितरणका लागि आज प्रहरीलाई हस्तान्तरण गरिएको छ । नेपालगञ्ज उपमहानगरपालिकाका जनस्वास्थ्य निरीक्षक जागेश्वर बस्नेत र बाँकेका कोरोना फोकल पर्सन तेज वलीले बाँके प्रहरी प्रमुख एसपी श्यामकृष्ण अधिकारीलाई मास्क हस्तान्तरण गरेका हुन् ।

त्यसपछि एसपी अधिकारीले ती मास्क जिल्ला ट्राफिक प्रहरी बाँकेका निमित्त प्रमुख प्रहरी नायब निरीक्षक सिद्धिगणेश शाह र नेपालगञ्ज ट्राफिक पोस्ट प्रमुख प्रहरी नायब निरीक्षक लक्ष्मण ऐर र जमुनाह प्रहरी प्रमुख प्रहरी नायब निरीक्षक मीन बहादुर बिष्ट, जयसपुर प्रहरीका इन्चार्ज प्रहरी नायब निरीक्षक राजकुमार सिंहलाई हस्तान्तरण गरेका थिए । एसपी अधिकारीले ट्राफिक प्रहरीलाई मास्क वितरण गर्न निर्देशन दिएका थिए । बढ्दो कोरोना संक्रमण रोक्न मास्क प्रयोगलाई अनिवार्य बनाउन उनले निर्देशन दिए ।

त्यसक्रममा सीमा नाकामा विना मास्क आउजाउ गरिरहेका यात्रुहरुलाई बाँके प्रहरी प्रमुख एसपी अधिकारी, नेपालगञ्ज उपमहानगरपालिकाका जनस्वास्थ्य निरीक्षक बस्नेत, बाँकेका कोरोना फोकल पर्सन वली, निमित्त ट्राफिक प्रमुख शाह, नेपालगञ्ज पोस्ट प्रमुख लक्ष्मण ऐर, जमुनाह प्रहरी प्रमुख प्रहरी नायब निरीक्षक मीन बहादुर बिष्ट, प्रहरी नायब निरीक्षक रबिन्द्र बम, जयसपुर प्रहरीका इन्चार्ज प्रहरी नायब निरीक्षक राजकुमार सिंह लगायत नाकामा खटिएका सबै सुरक्षाकर्मीले मास्क वितरण गरेका थिए ।

सीमा नाकामा विना मास्क ओहोरदोहोर गरिरहेका यात्रुहरुलाई मास्क वितरण गर्दै अबदेखि अनिवार्य मास्क लगाउन आग्रह गरिएको थियो । ट्राफिक प्रहरीले कोरोनाबाट बच्ने उपायबारे माइकिङ समेत गरेको छ ।
No description available.