बाँकेमा अहिलेसम्मकै उच्च कोरोना संक्रमण, एकैदिन १३७ थपिए

स्वास्थ्य

गृहपृष्ठ
स्वास्थ्य
बाँकेमा अहिलेसम्मकै उच्च कोरोना संक्रमण, एकैदिन १३७ थपिए

बाँकेमा अहिलेसम्मकै उच्च कोरोना संक्रमण, एकैदिन १३७ थपिए

परीक्षण गरिएका मध्ये करीब दुई तिहाईमा संक्रमण

सोमबार, माघ १०, २०७८ बागेश्वरी पोस्ट

नेपालगञ्ज । बाँकेमा आज अहिलेसम्मकै उच्च संख्यामा कोरोना संक्रमण पुष्टि भएको छ । परीक्षण गरिएका मध्ये करिब दुई तिहाईमा संक्रमण पुष्टि भएको छ । जिल्लाका तीन वटा प्रयोगशालामा गरिएको स्वाब परीक्षणमा १३७ जनामा कोरोना पुष्टि भएको छ । जुन ७०.२६ प्रतिशत हो । यसमा बाँकेमा मात्र ९७ जना छन् । बाँकेमा अब सक्रिय संक्रमितको संख्या ७३६ पुगेको छ ।

ओमिक्रोनको संक्रमण फैलिएपछि यो हालसम्मकै सर्वाधिक संख्या र संक्रमणदर पनि हो । भेरी अस्पताल ल्याब, मेडिकल कलेज कोहलपुर र बागेश्वरी ल्याबमा पछिल्लो २४ घण्टामा १९५ नमुना परीक्षण गरिएको जिल्ला कोभिड संकट व्यवस्थापन केन्द्र बाँकेका फोकल पर्सन तेज वलीले बताए ।

भेरीमा १२३ नमुना जाँच्दा ९१, मेडिकल कलेजमा ४४ मा ३० र बागेश्वरी ल्याबमा २८ नमुनामा १६ जनालाई कोरोना पुष्टि भएको छ । आज ३९ जना निको भएका छन् । यहाँका अस्पताल र आइसोलेसनमा ३३ जना उपचाररत छन् । ती मध्ये ३१ जना मध्यम, १ जना सिकिस्त र १ जना भेन्टिलेटरमा छन् ।

यस्तै नेपालगञ्जको जमुनाहा नाकामा ३६१ जनाको एन्टिजेन परीक्षण गर्दा ४३ जनामा कोरोना पुष्टि भएको फोकल पर्सन वलीले बताए ।

प्रकाशित मिति: सोमबार, माघ १०, २०७८ १४:५१

प्रतिक्रिया दिनुहोस्