नेपालगन्जका सबै वडामा आजदेखि कोरोनाको 'बूस्टर डोज' लगाउन सुरु

स्वास्थ्य

गृहपृष्ठ
स्वास्थ्य
नेपालगन्जका सबै वडामा आजदेखि कोरोनाको 'बूस्टर डोज' लगाउन सुरु

नेपालगन्जका सबै वडामा आजदेखि कोरोनाको 'बूस्टर डोज' लगाउन सुरु

शुक्रबार, माघ १४, २०७८ बागेश्वरी पोस्ट

फाइल फोटो

नेपालगन्ज । नेपालगन्जका २३ वटै वडाहरुमा कोरोना विरुद्धको 'बूस्टर डोज' आजदेखि लगाउन सुरु गरिएको छ ।

बाँकेमा यसअघि फ्रन्टलाइनमा रहेर कार्य गर्दै आएकाहरुलाई 'बूस्टर डोज' लगाइएकोमा आज र भोलि नेपालगन्जका सबै वडाका स्वास्थ्य केन्द्रहरुमा कोभिसिल्ड र भेरोसिलको 'बूस्टर डोज' लगाउन सुरु गरिएको नेपालगन्ज उपमहानगरपालिकाका जनस्वास्थ्य निरीक्षक जागेश्वर बस्नेतले जानकारी दिएका छन् ।

आज बिहान १० बजेदेखि सुरु गरिएको खोप कार्यक्रम अन्तर्गत ६० बर्ष माथिका नागरिकहरुले 'बूस्टर डोज' खोप लगाउन पाउने जनस्वास्थ्य निरीक्षक बस्नेतले बताए ।

त्यस्तै यसअघि खोप लगाउन छुटेका फ्रन्टलाइनमा कार्य गर्नेहरुले पनि आज र भोलि लगाउन सक्नेछन् । 'बूस्टर डोज' खोप लगाउन दोस्रो खोप लगाएको ६ महिना पुगेको हुनुपर्ने जनस्वास्थ्य निरीक्षक बस्नेतले जानकारी दिएका छन् । 'बूस्टर डोज' भोलि ४ बजेसम्म लगाइने भएको छ।

प्रकाशित मिति: शुक्रबार, माघ १४, २०७८ १२:५७

प्रतिक्रिया दिनुहोस्