बाँकेमा बालबालिकालाई माघ १९ र २० गते मोडर्ना खोप लगाइने

स्वास्थ्य

गृहपृष्ठ
स्वास्थ्य
बाँकेमा बालबालिकालाई माघ १९ र २० गते मोडर्ना खोप लगाइने

बाँकेमा बालबालिकालाई माघ १९ र २० गते मोडर्ना खोप लगाइने

विद्यालय तथा खोप केन्द्रमा खोप लगाउन सकिने

आइतबार, माघ १६, २०७८ बागेश्वरी पोस्ट

नेपालगञ्ज । बाँकेमा १२ देखि १७ बर्ष उमेर समूहका बालबालिकाहरुलाई माघ १९ र २० गते कोरोना विरुद्धको खोप लगाइँदैछ । २०६१ माघ १५ गतेदेखि २०६६ माघ १५ को बीचमा जन्मिएका १२ देखि १७ बर्ष उमेर समूहका बालबालिकाहरुलाई मोडर्ना खोप लगाइने स्वास्थ्य कार्यालय बाँकेका खोप सुपरभाइजर नरेश श्रेष्ठले बताए ।

जिल्लाका ८ वटै स्थानीय तहका स्वास्थ्य शाखाहरुले तोकेका खोप केन्द्रहरुमा गएर खोप लगाउन सकिनेछ । आ-आफ्ना बालबालिकालाई तोकिएको विद्यालय तथा खोप केन्द्रमा लिई खोप लगाउन सकिने उनले जानकारी दिए ।

बाहिरी जिल्लामा अध्ययन गर्ने तर विद्यालय बन्द रहेका कारण बाँके जिल्लामै रहेका र विद्यालय नजाने बालबालिकाहरुलाई समेत उमेर खुल्ने जन्मदर्ता वा अन्य कागजातका आधारमा पनि खोप लगाइने भएकाले पायक पर्ने नजिकको विद्यालय वा खोप केन्द्रमा सम्पर्क गर्न स्वास्थ्य कार्यालय बाँकेले अनुरोध गरेको छ ।

May be an image of text