सहायक सिडिओ केसीद्वारा नरैनापुरको खोप कार्यक्रमको अनुगमन

स्वास्थ्य

गृहपृष्ठ
स्वास्थ्य
सहायक सिडिओ केसीद्वारा नरैनापुरको खोप कार्यक्रमको अनुगमन

सहायक सिडिओ केसीद्वारा नरैनापुरको खोप कार्यक्रमको अनुगमन

बुधबार, माघ १९, २०७८ बागेश्वरी पोस्ट

नेपालगञ्ज । बाँकेका सहायक प्रमुख जिल्ला अधिकारी टोपेन्द्र केसीसहितको टोलीले नरैनापुर गाउँपालिकामा सुरु भएको खोप कार्यक्रमको अनुगमन गरेको छ ।

आजदेखि बाँकेमा १२ देखि १७ बर्ष उमेर समूहका बालबालिकालाई लगाउन शुरु गरिएको मोर्डना खोप कार्यक्रमको नेपालगञ्जमा अनुगमन गरेर केसी नेतृत्वको टोली नरैनापुर पुगेको हो । सहायक प्रजिअ केसीसहित जिल्ला कोभिड-१९ संकट व्यवस्थापन केन्द्र बाँकेका फोकल पर्सन तेज वली र नरैनापुर गाउँपालिकाका स्वास्थ्य शाखा प्रमुख नागेन्द्र शाहको टोलीले नरैनापुरका महेन्द्र मावि र जय किसान माविमा चलेको मोर्डना खोप कार्यक्रमको अनुगमन गरेका हुन् ।

No description available.

अनुगमनका क्रममा आशाजनकरुपमा बालबालिकाहरु खोप लगाउन आएको सहायक प्रजिअ केसीले बताए । साथै केसीले कोरोनाबाट बच्न अनिवार्य सबैले खोप लगाउनुपर्ने सुझाब दिनुका साथै खोप लगाएपनि सबैले अनिबार्य मास्क प्रयोग गर्नुपर्ने बताएका थिए ।

No description available.

नरैनापुरमा हालसम्म १८ बर्ष माथिका ७० प्रतिशतले कोरोना विरुद्धको पहिलो डोज खोप लगाएको स्वास्थ्य शाखा प्रमुख शाहले जानकारी दिए । बाँके जिल्लामा हालसम्म ८५ प्रतिशतले पहिलो मात्रा र ५६ प्रतिशतले दोस्रो मात्राको खोप लगाइसकेको फोकल पर्सन वलीले जानकारी दिएका छन् । मोडर्ना खोप भोलीसम्म लगाइँदैछ ।

प्रकाशित मिति: बुधबार, माघ १९, २०७८ १६:०१

प्रतिक्रिया दिनुहोस्