बाँकेमा बालबालिकालाई आज र भोली पनि मोडर्ना खोप लगाइँदै

स्वास्थ्य

गृहपृष्ठ
स्वास्थ्य
बाँकेमा बालबालिकालाई आज र भोली पनि मोडर्ना खोप लगाइँदै

बाँकेमा बालबालिकालाई आज र भोली पनि मोडर्ना खोप लगाइँदै

शुक्रबार, माघ २१, २०७८ बागेश्वरी पोस्ट

नेपालगञ्ज । बाँकेमा बालबालिकालाई आज र भोली पनि कोरोना विरुद्धको मोडर्ना खोप लगाइँदैछ । माघ १९ र २० गते अभियानका रुपमा १२ देखि १७ उमेर समूहका बालबालिकालाई विद्यालयमै खोप केन्द्र सञ्चालन गरेर खोप लगाइएको थियो ।

बर्षाका कारण खोप लगाउने समय दुई दिन थपिएको स्वास्थ्य कार्यालय बाँकेका खोप फोकल पर्सन नरेश श्रेष्ठले बताए । उनले छुटका सबै बालबालिकालाई खोप लगाउन अभिभावकसमक्ष आग्रह गरेका छन् । बाँकेमा दुई दिनमा ७६ प्रतिशत बालबालिकाले मोडर्ना खोप लगाएका थिए । कोरोना विरुद्धको मोडर्ना खोप सञ्चालन गरेको दुई दिनमा लक्षित संख्याको ७६ प्रतिशतले खोप लगाएका हुन् ।

बाँकेमा ६९ हजार ८ सय ३७ जना बालबालिकालाई खोप लगाउने लक्ष्य रहेकोमा बुधबार र विहिबार गरी दुई दिनमा ५३ हजार १ सय ८८ जनाले मोडर्ना खोप लगाएको स्वास्थ्य कार्यालय बाँकेले जनाएको छ । यसमा २६ हजार ६ सय ९५ जना छात्रा र २६ हजार ४ सय ९३ छात्र छन् । खोप फोकल पर्सन श्रेष्ठका अनुसार अब खोप लगाउन बाँकी संख्या १८ हजार ८ सय ४१ छ ।

बाँकेका ४३३ विद्यालयका १२ देखि १७ बर्ष उमेर समूहका बालबालिकालाई २६९ वटा खोप केन्द्रबाट खोप लगाइएको थियो । खोप प्रगति सबैभन्दा बढी कोहलपुर नगरपालिका र कम नरैनापुर गाउँपालिकामा छ । कोहलपुरका लक्ष्य भन्दा बढी १२१ प्रतिशत र नरैनापुरका ३४ प्रतिशत बालबालिकाले खोप लगाएका छन् ।

यस्तै राप्तीसोनारीमा ८४, खजुरा ८४, नेपालगञ्ज ७४, बैजनाथ ७४, डुडुवा ४७ र जानकीका ४५ प्रतिशत लक्षित बालबालिकाले खोप लगाएका खोप फोकल पर्सन श्रेष्ठले जानकारी दिए ।

प्रकाशित मिति: शुक्रबार, माघ २१, २०७८ १५:१५

प्रतिक्रिया दिनुहोस्