नेपालगञ्जमा हात्तीपाइलेको रिप्रिटास सर्भे हुने

स्वास्थ्य

गृहपृष्ठ
स्वास्थ्य
नेपालगञ्जमा हात्तीपाइलेको रिप्रिटास सर्भे हुने

नेपालगञ्जमा हात्तीपाइलेको रिप्रिटास सर्भे हुने

सोमबार, माघ २४, २०७८ बागेश्वरी पोस्ट

नेपालगञ्ज । राष्ट्रिय हात्तीपाइले रोग निवारण सम्बन्धि रिप्रिटास सर्भे नेपालगञ्जमा पनि हुने भएको छ । नेपालगञ्ज उपमहानगरपालिकाको वडा नम्बर ४ सल्यानीबागलाई केन्द्र बनाएर नजिकैका ३ स्थानमा गरिने सर्भेक्षणमा तीन सय जनाको रक्त नमूना संकलन गरिने भएको छ ।

५ बर्ष भन्दा माथिका ब्यक्तिमा हात्तीपाइले रोग भए नभएको एकिन गर्न र आम औषधि सेवन कार्यक्रमको प्रभावकारिताका लागि सर्भे गर्न लागिएको हो । बाँकेमा ११औं पटक आम औषधि कार्यक्रम संचालन भएपनि कार्यक्रम सफल हुन सकेको छैन । स्वास्थ्य तथा जनसंख्या मन्त्रालय अन्तर्गतको किटजन्य रोग अनुसन्धान तथा तालिम केन्द्र हेटौंडाका बरिष्ठ स्वास्थ्य प्रशासक युवराज पोखरेल र भेक्टर कन्ट्रोल अधिकृत कुमार पोखरेल सहितको टोलीले आज नेपालगञ्ज उपमहानगरपालिकामा अन्तरक्रिया गरेको छ ।

कार्यक्रममा नगर प्रमुख डा. धवलशम्शेर राणा, प्रमुख प्रशासकीय अधिकृत जगत बस्नेत, स्वास्थ्य शाखा प्रमुख रामवहादुर चन्द लगायतले आवश्यक सहयोग गर्ने बताए ।

प्रकाशित मिति: सोमबार, माघ २४, २०७८ १९:४७

प्रतिक्रिया दिनुहोस्