बाँकेमा ३२ जना कोरोना संक्रमणबाट मुक्त, २० जनामा कोरोना पुष्टि

स्वास्थ्य

गृहपृष्ठ
स्वास्थ्य
बाँकेमा ३२ जना कोरोना संक्रमणबाट मुक्त, २० जनामा कोरोना पुष्टि

बाँकेमा ३२ जना कोरोना संक्रमणबाट मुक्त, २० जनामा कोरोना पुष्टि

बुधबार, माघ २६, २०७८ बागेश्वरी पोस्ट

नेपालगञ्ज । बाँकेमा आज ३२ जना कोरोना संक्रमणबाट मुक्त भएका छन् । यस्तै जिल्लाका तीन वटा प्रयोगशालामा गरिएको पिसिआर परीक्षणमा थप २० जनामा कोरोना पुष्टि भएको छ । जुन २५.६४ प्रतिशत हो । यसमा बाँकेका मात्र ११ जना छन् । बाँकेमा अहिले सक्रिय संक्रमितको संख्या ३६९ छ ।

भेरी अस्पताल ल्याब, मेडिकल कलेज कोहलपुर र बागेश्वरी ल्याबमा पछिल्लो २४ घण्टामा ७८ नमुना परीक्षण गरिएको जिल्ला कोभिड संकट व्यवस्थापन केन्द्र बाँकेका फोकल पर्सन तेज वलीले बताए ।

भेरीमा २३ नमुना जाँच्दा ८, मेडिकल कलेजमा ३४ मा ९ र बागेश्वरी ल्याबमा २१ नमुनामा ३ जनालाई कोरोना पुष्टि भएको छ । भेरी अस्पतालमा ३२ जना उपचाररत छन् । ती मध्ये ३१ जना मध्यम र १ जना भेन्टिलेटरमा छन् ।

यस्तै जमुनाहा नाकामा ३१८ जनाको एन्टिजेन परीक्षण गर्दा ८ जनामा कोरोना पोजिटिभ देखिएको वलीले जानकारी दिए ।

प्रकाशित मिति: बुधबार, माघ २६, २०७८ १२:५२

प्रतिक्रिया दिनुहोस्