स्वास्थ्यकर्मी संघ स्थापना दिवसमा कोभिड सचेतीकरण कार्यक्रम

स्वास्थ्य

गृहपृष्ठ
स्वास्थ्य
स्वास्थ्यकर्मी संघ स्थापना दिवसमा कोभिड सचेतीकरण कार्यक्रम

स्वास्थ्यकर्मी संघ स्थापना दिवसमा कोभिड सचेतीकरण कार्यक्रम

दुई हजार मास्क र सेनीटाइजर वितरण

मंगलबार, जेठ २४, २०७९ बागेश्वरी पोस्ट

नेपालगञ्ज । नेपाल स्वास्थ्यकर्मी संघको ३१ औं स्थापना दिवस बाँकेमा कोभिड सचेतीकरण कार्यक्रमको आयोजना गरी मनाइएको छ । संघको स्थापना दिवसको अवसरमा नेपालगञ्जको जमुनाहा नाकामा मास्क वितरणसँगै सचेतीकरण कार्यक्रमको आयोजना गरिएको हो ।

त्यस अवसरमा बोल्दै नेपालगञ्जका नगर प्रमुख प्रशान्त विष्टले कोरोना भाइरस संक्रमणको जोखिम कायमै रहेकाले मास्कको प्रयोग जरुरी रहेको बताए । भाइरस संक्रमणको जोखिम कायमै रहेकाले मास्कको प्रयोग गर्नुपर्ने, भौतिक दूरी कायम गरिनुपर्ने र सरसफाईमा विशेष ध्यान दिनुपर्ने नगरप्रमुख विष्टको भनाई छ ।

उनले कोरोना महामारीमा स्वास्थ्यकर्मीहरुले खेलेको भूमिकाको उच्च प्रशंसा गरे । नेपाल स्वास्थ्यकर्मी संघ जिल्ला कार्यसमिति बाँकेको आयोजनामा कार्यक्रम गरिएको हो ।

संघका अध्यक्ष टेकबहादुर केसीको अध्यक्षतामा भएको कार्यक्रममा दुई हजार मास्क र सेनीटाइजर वितरण गरिएको संघका सहसचिव तेज वलीले जानकारी दिए ।

प्रकाशित मिति: मंगलबार, जेठ २४, २०७९ १२:२०

प्रतिक्रिया दिनुहोस्