कोभिड संक्रमण दर ४ प्रतिशत नाघ्यो, चौथो लहरको संकेत

स्वास्थ्य

गृहपृष्ठ
स्वास्थ्य
कोभिड संक्रमण दर ४ प्रतिशत नाघ्यो, चौथो लहरको संकेत

कोभिड संक्रमण दर ४ प्रतिशत नाघ्यो, चौथो लहरको संकेत

बिहीबार, असार २३, २०७९ बागेश्वरी पोस्ट

नेपालगञ्ज । कोभिड संक्रमण दर ४ प्रतिशत नाघेको छ । संक्रमण दर तीव्र रूपमा वृद्धि हुन थालेपछि महामारीको जोखिम पनि बढेको छ । यो अवस्थाले चौथो लहरको सम्भावना बढेको देखिएको छ । असार १ यता सक्रिय संक्रमितको संख्या झन्डै ५ गुणा बढेको छ भने संक्रमण दर साढे ६ गुणाले वृद्धि भएको छ ।

असार १ मा कोभिडको दैनिक संक्रमण दर ०.६४ प्रतिशत रहेकामा हाल दैनिक संक्रमण दर ४.१४ प्रतिशत पुगेको छ । असार १ मा ८७ जना सक्रिय संक्रमित रहेकामा यो बढेर ४ सय ७१ पुगेको छ । सरकारी अधिकारीहरूका अनुसार पछिल्लो समय भारतमा कोभिड संक्रमण उकालो लागेसँगै त्यसको प्रभाव नेपालमा पनि देखिन थालेको हो ।

प्रकाशित मिति: बिहीबार, असार २३, २०७९ १०:५१